पुन्हा कालचा पाउस

Submitted by सत्यजित on 1 June, 2011 - 14:11

आत्ता पावसाळा येईल
मन पुन्हा ओलं होईल
छत्री उघडू उघडू म्हणता
चिंब चिंब होऊन जाईल

कुणी तरी पावसा कडे
डोळे लाउन पहातंय
मळभ दाटल्या डोळ्यांचं
मन मात्र गातय

पाउस कधी मुसळधार
पाउस कधी रिपरीप
पाउस कधी संततधार
पाउस कधी चिडीचीप

आभाळभर डोळे आता
शोधत आहेत पाउस
कुणालाच दिसत नाही
पापण्यांमधला पाउस

खोल आठवणीचं बीज
अंकुरून येतं मनावर
वसंतात छाटलं असलं
तरी मन नसतं भानावर !

-सत्यजित

गुलमोहर: 
कविता
शब्दखुणा: 
पाउस
पावसाच्या कविता
कालचा पाउस
शेअर करा

वसंतात छाटल असत तरी नसत भानावर >>वॉव...

सत्या,पाउस कधी संततघार इथे टायपो आहे, तेवढं नीट कर प्लिज.
कविता जबरीच आवडली..

Submitted by श्यामली on 2 June, 2011 - 01:07

आभाळभर डोळे आता
शोधत आहेत पाउस
कुणालाच दिसत नाही
पापण्यांमधला पाउस

खोल आठवणीचं बीज
अंकुरून येतं मनावर
वसंतात छाटलं असलं
तरी मन नसतं भानावर

मस्त Happy

Submitted by शैलजा on 2 June, 2011 - 01:38