मायक्रोवेव्हबद्दल सर्वकाही

मंजू एका वेळी एकच रॅक ठेवायचे.
पनीर टिक्का जमेल त्यावर. पण त्या रॅकची जाळी जाड आहे त्यामूळे पनीरचे तुकडे तसेच रॅकवर ठेवले तर खाली पडतिल. आणि ग्रिलिंग होताना पाणी सुटतं ते पण खाली सांडेल.
भाज्या ग्रिल करताना किंवा पनीर टिक्का /चिकन टिक्का करताना स्क्यूअर्स किंवा नॉनस्टिक रोटेसरी वापरावे असे माझ्या मावे पुस्तकात लिहिलं आहे. या दोन्ही वस्तू नसल्याने गेल्या वेळी मी भाज्या ग्रिल करताना हाय रॅक वर काचेच्या पसरट ट्रेमध्ये भाज्या मॅरिनेट करून ठेवल्या होत्या. (बेबि कॉर्न्स, गाजर, मशरूम्स, बटाटे, सिमला मिरची, टॉमेटो आणि कांदे ). बराच वेळ लागला होता ग्रिलिंगला, पण एकंदरीत प्रकरण चांगलं लागलं.

ओके, मी विणकामाच्या सुयांमध्ये पनीर, भो मि इ. ओवून ते काचेच्या भांड्यावर ठेवून ते परत हाय rack वर ठेवून ग्रिल करायचा प्रयत्न केला होता पण कांदा भाजतानाचा फाट् असा आवाज झाला त्यामुळे घाबरून ते प्रकरण बाहेर gas वरच भाजलं होतं.

प्लास्टिकचे स्क्यूअर्स वितळणार नाहीत का ग्रिल मोड मध्ये?
पौर्णिमा, मग तू दूकानदार किंवा एलजी वाल्यांनाच गाठणे उत्तम.
मला स्क्यूअर्स आणि नॉनस्टिक तवा दोन्ही नाही मिळाले. भ्यां.... मी गेल्यावेळी या भाज्या ग्रील करताना नेहेमीचा नॉनस्टीक तवा वापरून बघावा असा विचार केला होता, पण माझा विचार ऐकून नवर्‍याने डोळे वटारले.

पुनम बसतात ते स्टॅण्ड निट .थोडे पाय दाबायच्जे त्याचे आतमधे. म्हणजे ते व्यवस्थित अ‍ॅडजेस्ट होतात.

स्क्यूअर्स किंवा नोन्स्टीक रोटेसरी क्रोकरी च्या दुकानात जिथे मायक्रोवेव चे बोरोसील चे बाऊल मिळतात तिथे मिळतील

धन्यवाद सुलेखा. नक्की बघेन आता.

अल्पना , तुम्ही रेसिपी द्या ना प्लीज , मॅरीनेशन मसाला काय वापरला आणि किती वेळ मावे केलं?

मला माझ्या बहिणीला मावे गिफ्ट करायचा आहे. चांगल्या कंपन्या, किंमती यांची माहिती देऊ शकेल का कुणी?

ठमादेवी, तुझं बजेट आधी ठरवून घे. मायक्रोवेवमधेही बरेच प्रकार आहेत.

मंजुडी माझं बजेट पाच हजारांपर्यंत आहे. माझ्या बहिणीच्या नवीन घराची वास्तु:शांत आहे. त्यासाठी घ्यायचं आहे.

.

प्राची हल्ली अडीच तीन च्या रेंजमध्ये चांगले मावे येतात असं म्हणतात. माझ्याकडे घरात बिर्ला कंपनीचा मावे आहे. तो मी दहा वर्षांपूर्वी अडीच हजारला घेतला होता. त्यात सर्व होतं. पण ते मॉडेल द्यायची इच्छा नाहीये माझी.

ओके.

काही मावे फक्त अन्न गरम करू शकतात. त्यात अन्नपदार्थ शिजवणे, भाजणे(बेकिंग, ग्रिलिंग) इत्यादी होऊ शकत नाहीत. हे मावे अंदाजे साधारण तीन हजार ते सहा- साडे हजार या किंमतीपर्यंत मिळतात.
काही मावेमधे ह्या सगळ्या सोयी असतात. त्याची किंमत तुलनेने जास्त असते. साधारण अंदाजे आठ हजार ते चौदा-पंधरा हजार आणि त्याही पुढे.

बहिणीच्या गरजा बघ आणि त्यानुसार मावेचा कुठला प्रकार घ्यायचा ते ठरव.

ओक्के. धन्स मंजुडी.

ठमादेवी, म्हणूनच पोस्ट एडिट केली मी.
मी अजून जुन्या काळातच आहे. तेव्हा किमती फार होत्या. आता स्वस्त झाले आहेत. (आमच्या वेळी नव्हतं हो असं :हाहा:)

काही मावे फक्त अन्न गरम करू शकतात. त्यात अन्नपदार्थ शिजवणे, भाजणे(बेकिंग, ग्रिलिंग) इत्यादी होऊ शकत नाहीत. हे मावे अंदाजे साधारण तीन हजार ते सहा- साडे हजार या किंमतीपर्यंत मिळतात.
काही मावेमधे ह्या सगळ्या सोयी असतात. त्याची किंमत तुलनेने जास्त असते. साधारण अंदाजे आठ हजार ते चौदा-पंधरा हजार आणि त्याही पुढे. >>> मला हेच म्हणायचे होते. मंजूने व्यवस्थित सांगितले आहे.

प्राची मस्तच लिंक आहे. आता यातून मला साधारण अंदाज येईल. धन्स.

उषा पुरोहित यांनी लिहीलेले मायक्रोवेव्हची खासीयत हे पुस्तक घेतले.
मनात मावेबद्दल अनेक पूर्वग्रह होते, ते सगळे फंडे हे पुस्तक वाचून क्लियर झाले.

प्रस्तुत पुस्तकात पाकृ सुद्धा अगदी रोजच्या वापरातल्या दिल्या आहेत, उदा. अगदी रोजचे दूध तापवण्यापासून ते उपमा, पोहे, सा. खिचडी, उसळी, भाज्या, साधं वरण-भात, पुलाव आणि भाताचे इतर प्रकार, मिठाया, नाश्त्याचे पदार्थ..मासे, चिकन-मटण इ.इ.

पदार्थ करताना गॅस आणि मावे यांचा समन्वय कसा साधावा हे छान समजावलय!

आज हेकायनितेकाय यांनी लिहील्याप्रमाणे मावेत सा. खिचडी केली होती.. मस्त झालेली. एरवीपेक्षा कमी तेल/तुप लागते आणि फटाफट तयार झालीही! धन्यवाद!

majhyakade samsung GW71B convection aahe me tyat kahich karu shakat nahi edalya kelya ekdam kadak zhalya chocolate melt kele jalun gele tyatlyatyat cake bara zhala plz mala sanga kasa temprature set karayacha..........plz....

इडल्या आणि चॉकलेट मेल्ट करण्यासाठी कन्व्हेक्शन ऑप्शन न वापरता, मायक्रोवेव्ह ऑप्शन वापरा.

प्रफुल्ला, इडली करण्यास बेस्ट ऑप्शन मायक्रोवेव्ह नाही. गॅस किंवा इंडक्षन स्टोव वर मोठ्या भांड्यात किंवा कुकर मध्ये पाणी गरम करून त्यात इडली स्टँड ठेवायचा व झाकण ठेवायचे. कुकरचे वेट ठेवायचे नाही. १५ - २० मिनिटे स्टीम केल्यास इडल्या मस्त होतात.

मला मावे घ्यायचाय, पण अजुन कधीच वापरलेला नाहीय, त्यामुळे काहीच डिटेल्ड माहिती नाहीये. इथल्याच टीप्स वाचुन घ्यावासा वाटतोय. त्यामुळे काही अडाणी प्रश्न, कोणत्या कंपनीचा चांगला? जास्त लिटरचा जास्त चांगला असे असतं का? कन्वेक्शन मोड म्हणजे काय? क. मो. असण आवश्यक आहे का? मावे चांगला की ओव्हन? दोन्हीतला फरक काय? मला सध्या तरी बेसिक गोष्टींसाठीच पाहिजे आहे, अन्न गरम करणे, पापड्/रवा/बेसन्/शेंगदाणे वगैरे भाजणे यासाठी. सध्या भाड्याच्या घरात राहतोय पाईपगॅस नाही इथे, एकच सिलेंडर ओळखीच्याकडुन घेतलाय. तो संपला कि दुसरा येईपर्यंत खाण्या-पिण्याचे हाल होतात. म्हणुन अडी-अडचणीला हवा आहे. मी सध्या प्रेग्नंट आहे, मावेतले गरम, थोडेफार शिजवलेले अन्न खाल्ले तर चालेल का?

प्रेग आहेस तर इंडक्शन हॉटप्लेट घे ना. सध्या मावे टाळ.

प्रेग आहेस तर इंडक्शन हॉटप्लेट घे ना. सध्या मावे टाळ.
>>>>>> अनुमोदन.

ओह!! इतकं घातक आहे का मावेतले अन्न प्रेग. मध्ये?? इं.हॉ. वर पापड्/रवा/बेसन्/शेंगदाणे/खोबरं भाजायला गॅस शेगडी इतकाच वेळ लागतो का? जास्त वेळ उभ राहण सध्या जमत नाहीय म्हणुन.
तरीही नंतर मला घ्यायचा असेल तर इन जनरल सजेशन्स द्या ना...

काही भाप्रः मावेमध्ये, शेंगदाणे कसे भाजायचे? आणि मावेसोबत आलेल्या प्लॅस्टीकच्या भांड्यांचा काही उपयोग अस्तो का? माझ्या मावेसोबत दोन मोठी भांडी आलेली झाकणवाली आणि एक इडलीपात्र. नवर्‍याने पॉपकॉर्न बनवण्यासाठी एक भांडं आत ठेवलं तर १० मि त्याचं वरचं झाकण वितळून गेलं. त्यानंतर मी अजून ही भांडी वापरलेली नाहीयेत.

टोकूरीका, हा बाफ पहिल्या पानापासून वाचलास तर बर्‍याच टिपा मिळतील तुला.
पान नं. ३ वर कविनची पोस्ट आहे शेंगदाणे भाजण्याबाबत...