आभास हा, छळतो मला..

सुंदर लेख मुक्ता.

"रफी वगैरे गायक मला आवडतात पण किशोरवर माझे प्रेम आहे"

मंदार जोशींचा किशोरदावर एक अप्रतिम लेख आहे.

http://www.maayboli.com/node/19385

अगदी ,अगदी .मी तर फावल्या वेळात किशोरकुमार मधुबालाचे पिक्चर बघत असते .अगदी वेळ सार्थकी
झाल्यासारखा वाटतो .

आपल्या आधीचा लेखांचा दर्जा पाहता, कुठेतरी काहीतरी कमी पडतंय असं वाटलं..

मी ही किशोरचा फार मोठा fan असल्याने, पूर्णपणे न्याय दिला गेलाय असं नाही वाटलं. अर्थात हे माझं वैयक्तिक मत आहे. आणि मला लिहायला सांगितलं किशोरवर तर कदाचित एवढं पण लिहू शकणार नाही.. आपल्यात ते शब्दसामर्थ्य आहे, म्हणून अपेक्षा जास्त..

बाकी लेख छानच..

सुंदर लेख...
.... कुणी विचारायला आलं तर चिडचिड होईल.... आणि त्याच वेळी विचारायला कुणीच आलं नाही म्हणून होणारा त्रागा.... काय गमतीशीर परिस्थिती असते ना ही?

अजून वाचायला मिळावे असे वाटत असताच लेख संपला...
अजून लिहा.
-चैतन्य.

त्याचा सूर सच्चा होता, लकबी वेड्या.. काळजाला सुगंधी जखमा करुन गेलेला मोगरा होता तो.. किशोर.. त्याच्या नावाप्रमाणेच - आभास.. त्याच्या सूरांनी वार करुन छळणारा. आणि या जखमांसाठीच कायम त्याच्या मागे मागे जायला भाग पाडणारा..
व्वा!

मी मुक्ता, खरंय किशोरबद्दल कितीही लिहू तितकं कमीच आहे. माझाही किशोर कुमार प्रचंड आवडता, अर्थात रफीही आहेच पण किशोर कुमार आणखीन थोडा जवळचा.

किशोर म्हटलं की आजही कानात येऊन म्हटल्यासारखी त्याची एक ओळ ऐकू येते. "मुस्कुराऊं कभी तो लगता है, जैस होठोंपे कर्ज रखा है.." ही लताने सुंदर गायलेली ओळ हळु हळू झिरपत जायची आत तेव्हा अचानक कधीतरी किशोरच्या आवाजात हे ऐकताना >>>>>हे काही लक्षात नाही आलं. पिक्चरमध्ये हे किशोरच्या आवाजात नाहीये.

ह्म्म्म ज्याम आवडलं. धन्स मुक्ता. >>प्रचंड आवडता असा किशोर नाहीये माझा तरीही त्याची कोई हम दम ना रहा, मेरे मेहबूब ही गाणी विशेष आवडती

अजून वाचायला मिळावे असे वाटत असताच लेख संपला.. नक्कीच

मुक्ता, एक आगाऊपणा करतोय, कृपया समजून घ्या!
तुमचा गुलजारवरचा लेख वाचलेला या आधी आणि आता हा किशोरवरचा लेख. दोन्ही लेख निव्वळ प्रेमापोटी आलेले , सच्चे असे वाटले. पण एक मात्र कायम जाणवत राहिलं की तुम्ही गुलजार, किशोर यांच्याबद्दल अजून लिहू शकता. किंवा तुम्हाला अजून बरंच काही बोलायचंय यांच्याबद्दल पण का कुणास ठाऊक ते राहून गेलंय. ते राहून गेलेलं पुन्हा सांधता आलं तर एक रसिक म्हणून माझ्यासाठी ती एक पर्वणीच असेल! अर्थात हे सगळं माझं वैयक्तिक मत. वि.पू. मधे मुद्दाम नाही टाकलं कारण माझ्याशी अजून कुणी सहमत असेल तर ते पहायला आवडेल मला.

सुंदर लेख मुक्ता

"कैसे कहे हम, प्यारने हमको" या गाण्यात तो जे ऊपहासाने हसलाय ना की प्रत्यक्ष त्या सिच्युअशनला असं हास्य कोणी दिलं तर संबंधित व्यक्तीने तिथेच शरमेनं मरुन जावं.>>>>>अगदी अगदी

अजून वाचायला मिळावे असे वाटत असताच लेख संपला...
अजून लिहा.>>>>चैतन्यला अनुमोदन.

>>झाड, गुलजारविषयी जे सांगायचय ते सगळं त्या शेवटच्या कवितेत आलय असं वाटतं मला.. अजून काय बोलणार मी..

सहमत! ( चिवट वाचकाचा एक 'तरी पण...'!! )

मी मुक्ता, अगं पिक्चरमध्ये ते गाणं अनुप घोषाल व लता (दोन्ही सोलो) अशा आवाजात आहे. मी तरी कधीच किशोरच्या आवाजातलं ऐकलं नाही म्हणून विचारलं फक्त.

मुक्ता, किशोर काय, गुलजार काय... तुझ्या भाषेत, शब्दांत खूप खुलले दोघही...
<<पण मला वाटतं त्याचा असा शोध घेत रहाणं हेच जास्त छान आहे. एखादं गाणं शंभरवेळा ऐकुन झालेलं असतानासुद्धा अचानक नंतर त्याने एखाद्या शब्दांत केलेली गंमत जाणवते तेव्हा आपल्याही नकळत आपण त्याला दाद देवुन जातो>>
.... हे खरच....
पण खूपच लवकर नि:शब्दंही झाले.... असही वाटतय.
(तुझसे नाराज नही जिंदगी.... ते गाणं किशोरच्या आवाजात ऐकलेलच नाही. )

उत्तम लेख, आवडला!
पण तरीही 'झाड'ला अनुमोदन.
'तुझसे नाराज नही जिंदगी' किशोरच्या आवाजात आहे याबद्दल मला प्रचंड शंका आहे. तुझ्याकडे ते गाणे असल्यास कृपया शेअर करावे, स्वतः ऐकल्याशिवाय माझा विश्वास बसणार नाही.

मुक्ता,
अरे हो ! खरंय आऊटडोअर्स, दाद, आगाऊ यांचं. ते गाणं किशोरच्या आवाजात नाहिये. पण बराच मिळताजुळता आवाज आहे हे नक्की. मी पण पहिल्यांदा ऐकलेलं तेव्हा कन्फ्युज झालेलो..

नक्की हेच गाणं म्हणायचं होतं की, "तेरे बिना जिंदगी से कोई" ?

वरती कुणीतरी सांगितल्याप्रमाणे तो अनुप घोषाल यांचा आवाज आहे. त्यावेळी आरडी बंगालीतही काम करत होता आणि अर्थात यशस्वीही. अनुप घोषाल तिथलाच अत्यंत प्रसिद्ध गायक. 'मासूम'च्या कुठल्याच गाण्यात किशोर नाही हेही एक विशेषच.

झाड यांना अनुमोदन

पिक्चरमध्ये ते गाणं अनुप घोषाल व लता (दोन्ही सोलो) अशा आवाजात आहे. >>>>>येस्स, चित्रपटात हे गाणं अनुप घोषालच्याच आवाजात आहे.

थोडेसे विषयांतर

कित्येक वर्षे मला "तेरा साथ है तो मुझे क्या कमी है....." हे "प्यासा सावन" मधील गाणे "मुकेश" च्या आवाजातील वाटायचे. पण या गाण्याचे गायक होते "कमलेश अवस्थी".

http://www.youtube.com/watch?v=nZt0nSgccXw

ह्हॅ.. मुक्ता, आहे तसच ठेव....
त्या गाण्याच्या बाबतीत मी ही चकले होतेच.
किशोर जळी-स्थळी दिसायला हरकतच नाही... काहींनी त्याच्यासारखं गाण्याच्या फंदात केलेत हे गोंधळ.
तुझा लेख निव्वळ आनंद देणारा आहे... त्या एका गोंधळासकट!!!

उत्तम..........लेख आवडला.....किशोरच्या आवाजाने मोहिनी घातली नाही असा जीव विरळाच.
चैतन्यशी सहमत. तुमची लेखनशैली या लेखाला अजून खूप फुलवू शकेल असे वाटते.....
एखादा मोठा लेख येउ द्यात.

दोन्ही लेख निव्वळ प्रेमापोटी आलेले , सच्चे असे वाटले. अनुमोदन!

या लेखाच्या निमित्ताने जेवढं बाहेर आलंय, त्यापेक्षा अधिक अजून आतच राहिलंय असं वाटलं मला..
शुभेच्छा!

लेख छान उतरलाय.

किशोरदांचा मी पण पंखा आहे.

मुक्ताबाई, सुंदर लेख.
किशोर आणि रफी यांच्या आवाजाबरोबर मी कुठेही आणि कितीही वेळ राहू शकतो.
आम्ही मित्र सगळे एकत्र जमतो खास मैफिल रंगवायला. त्यात जुनी जुनी गाणी सर्वांनी मिळून ऐकणे हा एक कार्यक्रम असतो आमचा.
असाच आणखी एक आपला मायबोलीकर जो किशोरच्या आवाजाचा वेडा. चिमण. या वर्षाअखेरीस येतोय. तेंव्हा आम्ही पून्हा मैफिल जमवणार. तुम्हाला सस्नेह निमंत्रण.

मला आवडणार्‍या किशोरच्या गाण्यांपैकी काही तोंडावर असलेली..
१) ठंडी हवा ये चांदनी सुहानी
२) ये राते ये मौसम नदी का किनारा ये चंचल हवा (मस्तपैकी, एखाद्या छान नदीच्या किनारी, पौर्णिमेच्या चांदण्यात, गार वारं अंगावर घेत, पाण्याची खळबळ ऐकत या गाण्याचा अस्वाद घ्यायचा. यात आशाचा आवाजही सही लागलाय)
३) ख्वाब हो तुम या कोई हकिकत कौन हो तुम बतलाओ
४) कैसे कहें हम प्यार ने हमको क्या क्या खेल दिखाये
५) हम है राही प्यार के
६) सिमटीसी शरमाईसी
७) ये दिल ना होता बेचारा
८) आ चल के तुझे मै लेके चलू
९) मेरे मेहबूब कयामत होगी
१०) भवरेकी गुंजन है मेरा दिल

बाकी रफीवर लिहायच तर एक वेगळा स्वतंत्र लेख लिहावा लागेल.

लेख पटकन संपला तरी आवडला.. आणि मला 'उगीच विनाकारण लांबड लागु नये असंही वाटतं त्यामुळे वाचायला बोअर' हे अगदीच पटतं.

मला बर्‍याच जणांची गाणी आवडतात पण मी किशोरचा सगळ्यात जास्त फॅन आहे. कारण त्याचं अ‍ॅक्टिंग आणि गायन.. दोन्ही अफलातून.

तुझसे नाराज नही जिंदगी.. हे गाणं किशोरचं नाही हे पहिली ओळ ऐकल्यावर लगेच कळतं.

मुक्ता...
लेखाला फ्लो छान आलाय, पण अजून फुलवता आला असता लेख.
मध्येच संपवलास असं वाटतंय..

किरू, छान पोस्ट...

किशोर न आवडणारा माणूस या जगात विरळाच नाही का?

>>>>किशोर न आवडणारा माणूस या जगात विरळाच नाही का?
दक्षिणे, किंबहुना किशोर न आवडणारा माणूस या जगातून वगळा..