निसर्गाच्या गप्पा-१

ह्याच्या बद्द्ल काही जास्त माहीती द्या ना.

ए मला पण अळूवडी द्या रे....

बापरे! इतकी सगळी पाने, फुले, झाडे पाहून एक निर्भेळ निरागस आनंद झाला. जागू काय छान लिहितेस!!!! सर्व माहिती छान आहे. खरे तर अजून ५ पाने राहिलीत वाचायची/बघायची.

आपल्या हातांनी लावलेल्या झाडांची नासधुस पाहाताना किती यातना होतात ना>>> हे अगदी खरे आहे. माझी भाचेकंपनी गुलाबाची फुले तोडायची तेंव्हा मला त्यांचाही राग यायचा पण नंतर ती कबूल पण करायची तेंव्हा त्यांचा निरागसपण भावायचा.

लेकीने कुंडीत कलौजी पेरली होती. ते बी आता अंकुरलय. आता पुढे काय? कुंडीत त्याला कांदे येतील का? कशी काळजी घ्यायची?

हो ही अमरवेल.. मी हिला काँग्रेसगवत समजायचे. कोणीतरी कॉ.ग. चा फोटोही टाका.
माझ्या लहानपणी ही भरपुर दिसायची. ह्या नळ्या चुरडल्या की पाणचट व्हायचा हात. हल्ली दिसत नाही फारशी.

एक पाकळी - अळूचा फोटो कुठला? माहिमच्या निसर्ग उद्यानात अगदी असेच पाहिले होते अळू.

माधव - कांदे लागतील का माहित नाही. बदलापुरला राजुदादाना विचारलेले कांद्याबद्दल, ते म्हणालेले की इथल्या हवेत कांदे होत नाहीत. पण कांदे लागले नाहीत तरी पात मात्र मिळेल तुम्हाला. लेकीला चायनीज खायला करुन द्या ती पात वापरुन. माझ्या ऑफिसात माळ्याने रताळी लावलेली. जमिनीत लावली असुनही अगदीच अंगठ्याएवढ्या जाडीची आणि बोटभर लांबीची झालेली. तोही म्हणालेला की कंदभाज्यांसाठी मुंबईची हवा चालत नाही.

ह्या वेलीत बकुळीच्या फुलांचा गजरा ओवतात.

हे पहिल्यांदा ऐकले. आणि असा अमरवेलीत ओवलेला गजरा कधी पाहिला नाही.

रच्याकने, अमरवेल हे बागेतले नको असलेले प्रकरण आहे ना?? अमरवेल मुळ झाडाला गुदमरवुन टाकते. अमरवेल तोडुन दुस-या झाडावर टाकुन त्या झाडाला मारण्यापेक्षा अमरवेलीला नष्ट करावी. त्या नालायक वेलीला तोडुन टाकले तरी ती वाढत राहते म्हणुनच अमरवेल म्हणतात बहुतेक.

साधना / जागू, करून बघतो. मला पण 'कलौजी म्हणजे कांद्याचे बी' ही माहिती हल्लीच मिळाली. मोड आलेले कांदे बर्‍याचदा खोचून त्याची पात केली आहे पण ह्या वेळेस बी पासून सुरुवात करायची आहे म्हणून मी पण चाचपडतोय पण तितकाच नवीन काही पहायचा उत्साह पण आहे. कांदे नाही तरी नुसती पात मिळाली तरी आनंदच आहे

साधना ही माझ्या घराशेजारची अळूची बाग आहे

अमरवेल हि अत्यंत बदमाश वेल आहे. खरे तर ती बांडगूळच. पण बाकीची बांडगूळे निदान हिरव्या पानांनी आपले अन्न स्वतःचे स्वतः तयार करतात, हि बया तर तितकेही कष्ट घेत नाही. आपल्या नजरेतही येत नाही, पण हिने यजमान झाडाला, एक घट्ट विळखा घातलेला असतो, आणि त्यातून हवे ते सर्व ती मिळवते.
मूळ, पाने वगैरे तिला अनावश्यक वाटतात. मी हिला बारीक पांढरी फूले आलेली बघितली आहेत.

माधव, त्याला छान गोलाकार फूल येईल. पण त्या फूलाचा वास मात्र घाणेरडा असतो

गुलाबी कण्हेर आणि एडेनियम या दोघांच्या फुलांमध्ये मला खुप साम्य वाटते.

दिनेशदा,
घटपर्णी बद्दल शाळेत असताना नुसती माहिती वाचली होती, आणि इतक्या जवळुन (इतक्या वर्षानी) तूमच्यामुळे पहायला मिळाली !

अनिल, आपल्याकडे पण याचे काहि प्रकार असतील. शोध घ्यायला हवा.
या वरच्या कण्हेरीत गडद गुलाबी (यापेक्षा) ते पांढरा, असे सर्व रंग दिसतात. मला वाटतं मध्यपूर्वेतून ते झाड आलय आपल्याकडे.

नाही गं.. भिंतीत वगैरे अजिबात जाणार नाहीत. जमीनीत लावताना त्याचे खोड वर राहिल असे बघ म्हणजे ते फुगत राहते आणि मस्त बोन्सायसारखे दिसते.

आज मनिषाचा फोन होता. तीही सांगत होती की एडेनियम कळ्यांनी भरलेय म्हणुन.. तिच्या घरीही सगळे बोन्साय का? म्हणुन विचारतात..

तुझ्या बियांची आता रोपे बनव आणि वाट लोकांना. कायम आठवण राहिल तुझी त्यांना

एडेनियम कुठे आहे? इथे फोटो असेल तर सांग कुठल्या पानावर ते.

कांद्याच्या फुलाला म्हणे इतका घाणेरडा वास येतो कि घरात ते फुल थोडावेळ ठेवलं तरी घरात बसवत नाही आणि नंतरही तो वास जात नाही - ऐकीव माहीती
अमरवेली बद्दल अगदी दिनेशदा म्हणतात ते. मोठ्या मोठ्या आंब्याच्या झाडाला सुद्धा खाऊन अगदी सुकवून टाकते.

शाकली -- कुड्याचे पाळ हे एक आयुर्वेदिक औषध आहे. मला वाटते कुट्जारिष्ट त्यापासुनच बनवतात. (ह्याबद्द्ल सविस्तर माहितिसाठी दिनेशदा.कॉम :))

आमच्या कुंडीत फुललेली ही फुले...

कुडा म्हणजे पांढरा कुडा. साधारण एप्रिल मे महिन्यात सह्याद्रीत भरभरुन फूलतो. त्याच्या फूलाची भाजी पण करतात आणि सांडगेही करतात.

---
मी नेहमी उल्लेख करतो तो वांगीवृक्ष मला दिसला (नाही हे वांग्याचे झाड नाही ) याला अर्थातच वांगी लागत नाहीत. पण याला वांग्याच्या फूलासारखी फूले येतात म्हणून हे नाव. हि फूले आधी गर्द निळी, मग आकाशी आणि मग पांढरी होतात. फूले साधारण ५ सेमी व्यासाची असतात आणि भरपूर लागतात. नव्याने लागवड करण्यासाठी छान वृक्ष आहे हा. याचा विस्तार फारसा नसतो, आणि फूले मात्र भरपूर लागतात.

मी एका बँकेत गेलो होतो, तिथे होता हा. ऑफिसच्या कामासाठी गेलो होतो म्हणून कॅमेरा नव्हता. म्हणून मोबाईलने टिपलाय. उजेडपण नव्हता. आता परत कॅमेरा घेऊन कधीतरी जावे लागेल.
भारतात, कोल्हापूरला मी हे झाड बघितले आहे. तुरळक का होईना, पण आहेत हि झाडे आपल्याकडे.

http://www.maayboli.com/hitguj/messages/58489/125602.html?1178502036

पांढर्‍या कुडाबद्दल इथे मी लिहिले होते

दिनेशदा,उंबराच्या फळाला अजुन एक छिद्र असते त्याचे कारण ब्लॅस्टोफॅगा कीटक त्यात अंडी घालतो हे आहे का? कारण त्यात खूप आळ्या असतात.पण मला अजून एक गोष्ट जाणवली ती अशी की उंबराच्या झाडावर उंबरं खायला खूप वेगवेगळे पक्षी येतात.तुम्ही उंबराच्या छिद्राबद्दल लिहिणार आहात त्याची उत्सुकता आहे.अशी नवीन माहिती मिळाली की खूप आनंद वाटतो.तुम्ही लिहिलेली सर्वच माहिती खूप अभ्यासपूर्ण असते.आणि आपसूकच त्यावर विचार केला जातो.प्रज्ञा,कुटजारिष्टा बद्दल तू सांगितलेस ते बरोबर आहे.पण माझ्या पोटदुखीवर वेगळेच औषध आहे, आणि ते म्हणजे माझ्या रोपांना चांगले खत मिळून त्यांना खूप फुले येणे.

पांढरा कुडा, कण्हेर आणि कांदा यांच्या फुलांच्या प्रचि.

पांढरा कुडा
कांदा
कण्हेर

योगेश, कांद्याच्या कळ्या पण सुंदर (आकाराने) सुंदर असतात. त्यांना पोवाडे असा शब्द आहे, त्याची पण भाजी करतात.
तूला आणि जागूला, गुलाबी (गुलबक्षी) रंगाची कण्हेर दिसली का कुठे. ज्यावेळी या वनस्पती आजूबाजूला होत्या, त्यावेळी विशेष जाणवले नव्हते, पण आता दिसली नाही, कि हळहळ वाटते.

शांकली, मला जागूकडून फोटो मिळाला कि लगेच लिहितो उंबराबद्दल !

कांद्याच्या कळ्या पण सुंदर (आकाराने) सुंदर असतात.>>>>या कांद्याच्या कळ्या