मायबोली बाईक ट्रेक

मी नाही येणार....
जल्ला पुन्हा केव्हातरी!!

हव्या असतील तर काही टीप्स देऊ शकतो....
माझ्याकडे एक नकाशापण आहे....>>>>>>नेकी और पूछ पूछ.
आशु तुझी मदत हवीच आहे रे. रूट/नकाशा इथे अपडेट कर.

आता महामार्गावरुन (क्र. १७) बाईक चालवायचा आत्मविश्वास नाही राहीला.....
अजुन चार जण नॉन बाईकवाले असतील (अन पेट्रोलखर्च शेअर करणार असतील) तर इत्तर बाईकवाल्यांबरोबर गाडीने जाता येईल.....

मला माहिती नाही तुमच्यापैकी कुणी बाईकवरून कोकण ट्रीप केली असेल तर..त्यांना माझ्या टीप्स अगदीच बाळबोध वाटतील...
१. बाईक - डबलसीट जाणार असाल तर गाडी किमान १५०सीसी ची असणे जास्त चांगले. कोकणातले रस्त्यांचे चढ-उतार सगळ्यांना माहीती आहेतच. बाईकची सगळी कागदपत्रे (पीयूसी सकट) बरोबर असणे अत्यावश्यक...वाटेत हायवेला चेकींग होते अनेकदा...
२. गाडीवरील दोघांच्या दोन सॅक करण्यापेक्षा दोघात एक सॅक केलेली जास्त सोयीची ठरते. जरी वजन जास्त वाटले तरी पीलीयन रायडर (मागे बसलेला) ती सॅक कॅरीयरवर टेकवून आरामात बसू शकतो. आणि याचा सगळ्यात जास्त फायदा म्हणजे चालविणाऱ्याच्या खांद्यावर लोड येत नाही. आणि लॉँग ड्राईव्हला ते खूप महत्वाचे ठरते.
३. सुवर्णदुर्गला जाण्यासाठी फार खटपट करावी लागते. बोटवाले सहसा तयार होत नाहीत आणि झालेच तर जास्त रक्कम मागतात. शक्य तितक्या ठिकाणी घासाघीस करावी. अगदीच अडून बसले तरच रक्कम टिकवावी. बाकी फत्तेदुर्ग, कनकदुर्ग आणि गोवा किल्ला पाहण्यासाठी दोन तास पुरेसे होतात.
४. हर्णेवरून दापोलीला मुक्काम करण्याऐवजी केळशीत जाणे जास्त सोयीचे ठरेल. कारण दुसरे दिवशी केळशीला जाण्यासाठी पुन्हा हर्णेलाच यावे लागणार आहे. अर्थात दापोलीला फुकट सोय होत असेल राहण्याची तरच तो ऑप्शन चांगला आहे. अन्यथा रात्रीच्या मुक्कामाला केळशीइतके सुंदर ठिकाण नाही. जेवायची सोयपण चांगली आहे.
बाणकोटवरून मुरूड-जंजिऱ्याला जाताना हरिहरेश्वर, श्रीवर्धन आणि दिवेआगर बघू शकता. पण माझ्या अंदाजाने तुम्ही दुपारीच या भागातून जाल तेव्हा समुद्रकिनाऱ्यावर जाऊन काय उपयोग नाही. पण हरिहरेश्वरला भेट द्यायला विसरू नका. तिथला प्रदक्षिणा मार्ग फारच सुंदर आहे.

हा नकाशा प्रमाणात नाहीये पण त्यात किमी दिलेले आहेत त्यावरून अंतराचा अंदाज येईल. आम्हाला या नकाशाचा फार उपयोग झाला. तसा तुम्हालाही होवो.

आंतरजालावर मिळालेला अजून एक नकाशा

मुरुड गावाच्या बाहेर, एक छोटी टेकडी आहे त्यावर दत्ताचे देऊळ आहे, अवश्य जा रे तिथे, वरुन मुरुड गावाचे आणि पद्मदूर्गाचे छान दर्शन होते.

कोणाकडे 'सांगाती सह्याद्रीचा' आहे का?? त्यात कोकणचा अतिशय डिटेल नकाशा आहे...

माझ्या बाईकसाठी ड्रायव्हर म्हणून कोण बुक होतय.

दिनेशदा, जरूर जाऊ. जल्ला इंद्र्या तुला काय झालं थोबाड लाल करायला?

वा !! विनय मस्त योजना आहे पण आता नाही जमायचे
बाईक वर जाणार म्हणजे मस्त धमाल करणार तुम्ही
मजा करा लोकहो

अम्या, मी नेऊ का तुझी बाईक? तू मला आपल्या वाडीतून बाहेर आणून दे, मग मी बघते कशी चालवायची ते. पण माझ्या मागे बसायची कुणीच हिम्मत करणार नाही.

अश्वे तू बाईक चालवणार म्हणजे हार्ले डेविडसन पाहीजे. रॉयल पिपल ( पिंपळ ) नव्हे रॉयल बाईक.

पण माझ्या मागे बसायची कुणीच हिम्मत करणार नाही.
>>
मी बसेन तुझ्या मागे. तु मला झाशीच्या राणीसारखं ओढणीने बांधुन ठेव.

मज्जा करणारेत लोक्स म्हणजे.

सगळे कोकण भटकंतीच्याच टिप्स देतायत. कुणाला बाईक चालवायच्या टिप्स हव्या आहेत का? तर मला भेटा अथवा लिहा. भयंकर रस्त्यांवरून बाईक कशी चालवायची त्याचे योग्य मार्गदर्शन मिळेल

लले

मस्त बाईक

मी रॉयल नाहिये का? का? ही बघ मी.

माझ्याकडुन बाईक (Splendour Plus) मिळेल, पण चालवणारा कुणी आहे का?
आणि हो माझा एक मित्र तय्यार आहे, त्याने कालच मायबोलीचे सदस्यत्व घेतले आहे आणि त्याच्याकडे बाईक आहे. चालेल का?

विन्या माहिती जमा केली आहे रे. योग्याने रुट मॅप तुला मेल केला कि लगेच अपडेट करून टाक.
बहुतेक माझ्याकडून २ बाईक्स अन ३ लोक्स असतील. ज्याच्याकडे बाईक नाही अन चालवता पण येत नाही असा एक माणूस अ‍ॅडजस्ट होईल.

धन्स रे
मी आजच त्याला नावनोंदणी करायला सांगतो.

अन्यथा रात्रीच्या मुक्कामाला केळशीइतके सुंदर ठिकाण नाही.
तिथे कदाचीत रहायची व्यवस्था होते का ते मी पाहतो.

केळशीला रहायची व्यवस्था करणारेस मल्ल्या? कुणी केळशीतून हाकलायची व्यवस्था नाही ना करत आहे बघ हा !

बादवे, चिपळूणला रहायचं असेल तर मामेभावाला विचारुन बघते. त्याचं दुमजली घर रिकामंच असतं. खाली बाईका पार्क करायला व्यवस्थित स्टिल्टही आहे.

सगळ्यांनी आम्ही सफरीला निघाल्यावर फोन चालू ठेवा. जसे हॉल्ट ठरतील तसे कॉल करू. आता चिपळून पुढे अश्वीनी असं नोट केलं आहे. अक्षी अन अलिबाग साठी - समीर अन विन्या , आंजर्ल्यासाठी - इंद्रा, केळशी - साठी मल्ली पुरे. बाकी कोणी नको.

कोकाण मध्ये बाईक वरुन मी दोन वेळा महाड, प्रतापगड, मुरुड-जंजीरा, दिवेआगार, हरिहरेश्वर, श्रिवर्धन, पोलादपुर ही गावे फिरलोय. दिवेआगार-हरिहरेश्वर नि श्रिवर्धन यांना जोडनारे रस्ते त्या वेळेस खराबे होते. ताम्हीनी घाट ते मानगाव हा रस्ताही खराब होता. रात्री ड्राईव्ह करन्या सारखा नाहीय. आत्ताची परीस्थिती कोणी सांगेल का ?

मल्ल्या आपण जर रात्री ड्राईव्ह करायचं ठरलं तर ताम्हीनी मानगाव रस्त्याचा ऑप्शन ठिक नाहीये. त्यापेक्षा आपण खोपोली मार्गे जाऊ शकतो. केव्हाही निघालो तरी काही प्रॉब्लेम नाही. दिवे आगार, हरिहरेश्वर नि श्रिवर्धन रस्ते माझ्या माहितीप्रमाणे रुंदीकरण केलेले नाहीयेत पण चांगल्या स्थितीत आहेत. सुनिल तटकर्‍यांनी तेवढी व्यवस्था करून ठेवली आहे.

फाल्तु गोष्टींना फार महत्व देताय तुम्ही भिडे. मुद्याचं बोला.

सुक्या, तो रुट खुप लांब होईल. त्यापेक्षा ताम्हीनी परवडलं. ३ दिवस ड्राईव्ह करायचंय लेका....

मल्या मग सकाळी सकाळी लवकर निघावं लागेल पाच तारखेला.