पाखंड

मनाच्याच उर्मीत निर्माण सारे
मनाच्याच धुंदीत बेभान वारे

मनाच्याच गुंत्यात बंदिस्त धागे
मनोनीत देशी मनस्वी विधाने

मनाच्याच विश्वात विश्वास जागे
मनाच्याच ठायी निराशा विहारे

मनाचा पसारा उभे विश्व सारे
रवीतेज रत्ने मनाचे धुमारे

मनापासुनी जोडले मित्र जैसे
मनानेच हे निर्मिले शत्रु त्वा रे!

मनें पुण्य केले, मनी पाप आले
तयाचेनि भोगे जिवा कष्ट झाले

कसा ठाम राहू, कसा एक सांगू?
मनाचे चतूरस्त्र येती इशारे

कसे शब्द गुंफू,कसे सूर छेडू?
मनी आर्त संगीत अस्थीर चाले

स्वये मार्ग रोधी, स्वये दूर सारी
मनाच्याच डोही मनाचे फवारे

मनाची कहाणी लिहू काय काजी?