जीवकलिका वृत्त

उपक

मला स्वप्नात दिसले गाढ मी झोपेत असताना
अहो मी पाहिले प्राण्यांस त्या एकत्र जमताना
मला दिसली सभेला फार गर्दी सर्व प्राण्यांची
गहन चर्चा सभेमध्ये कशावर चालली त्यांची

किती प्राणी किती पक्षी तिथे झाडून जमलेले
सभेसाठीच होते सर्व ते रांगेत बसलेले
कुणी मग बोलले रागात प्राणी जोरजोराने
कसा माणूस जगतो आंधळा होऊन स्वार्थाने

नियम ना पाळतो कुठले करी विध्वंस सगळ्याचा
किती तोडून झाडांना घडवतो ऱ्हास रानांचा
म्हणे गाढव कुणा कुत्रा शिव्या माणूस देताना
मनाला वेदना होते उगा ऐकून घेताना