मायबोलीकरांचे प्रतिसाद!

गुगलवर कोणत्यातरी झाडाची माहिती शोधताना मला जागू प्राजक्ताचा निसर्गाच्या गप्पा हा धागा दिसला आणि मला मायबोलीचा शोध लागला.

२०२०, कोव्हिडमुळे लॉकडाऊन चालू होते, हाताशी वेळच वेळ होता . मी मायबोलीवरील सर्व साहित्य वाचू लागले . मोठा खजिनाच सापडला पण मायबोलीची गोडी लागली ती मात्र मायबोलीकरांच्या धमाल प्रतिसादांमुळे. ब्लॅककॅटचे तिखट आणि खोचक प्रतिसाद, मी_अनुचे प्रॅक्टिकल आणि विचारी प्रतिसाद, मानव पृथ्वीकराचे नर्मविनोदी आणि माहितीपूर्ण प्रतिसाद . पूर्वी बोकलतही छान लिहायचे पण आता ते आपले नाव सार्थक करतात.