डाळ ढोकळे

गणितं सोडवताना तुम्हाला असं कधी वाटलंय का की या गणिताचा उगम नेमका कुठून झालाय? मला हा प्रश्न स्वयंपाक करताना नेहेमी पडत आलाय. जेवणातला साधा भात तो काय. चिखलात ती भाताची रोपे लावायची, पीक घ्यायचं… मग कापणी, मळणी, कणसातून निघालेल्या दाण्यांना पॉलिश… असा तो तांदूळ आपल्या घरात येतो. त्याच्यापासून किती पदार्थ. नानाविध भातांचे प्रकार आहेत, पेज, खीर, इडली डोसे, पोहे, चुरमुरे, पिठीचे मोदक, उकड, पापड… पापडात पापडखार घालायचा शोध कोणी लावला? तळणी केव्हा आणि कशी सुरु झाली? असे अनेक प्रश्न आहेतच.