Nee

कालच्या आषाढी एकादशीनिमित्त मी केलेले मिक्स मिडिया.
हॅन्डमेड पेपरवर Gouche पेंट्स आणि तांबे आणि पितळेच्या तारा.

बरेच दिवसांपासून विठू माऊली थीमवर ताराचित्र करायचे डोक्यात होते. कमीतकमी रेषा(तारा) वापरायच्या हे नक्की होते. त्यासाठी बरेच स्केचिंग केले पण हवे तसे सुचत नव्हते. घडत नव्हते.

दोन दिवसांपूर्वी का कुणास ठाऊक 'देव माझा विठू सावळा' हे गाणं डोक्यात अडकलं होतं. त्या गाण्यामुळे काळ्या दगडाची मूर्ती, गाभाऱ्यातला अंधार पण विठूरायाच्या आकृतीबाहेर फाकलेली प्रभा आणि काळ्या पार्श्वभूमीवर उठून दिसणारे गंध असं काय काय डोक्यात येत होतं.