शॉपिंग मॉल्स

काल एका मोठ्ठ्या रिलायंस शॉपिंग मॉल मध्ये वेळ घालवायचा म्हणून सहज चक्कर टाकली.

काही वर्षापूर्वी हा मॉल जेंव्हा दिमाखात सुरु झाला होता व मी रांगेत लागून हा मॉल पाहीला होता, तेंव्हा एक फार मोठा बदल होतोय असे वाटले होते....ह्यानी छोटे / मध्यम उद्योग बंद पडून ह्या मॉल्स चीच चलाती राहील असे एकवेळ वाटले.

पण भारतीय ग्राहकाविषयी (मी धरून - कारण मी सुरुवातीला बिग बझार मधून अवास्तव आणी तद्दन खरेदी करून नंतर पस्तावलो होतो व एक चांगलाच धडा शिकलो होतो. मग नंतर मॉल हे वेळ घालवण्याचे साधन असे ठरवले) बर्‍यापैकी कल्पना असल्याने असे काही होण्याची शक्यता कमी आहे असेही वाटले होते.