माझे कोविड लसीकरण

माझे कोविड लसीकरण..!

द्वापार युगात कालिया नामक सर्पाने यमुनेच्या डोहाला विळखा घालून अवघ्या गोकुळास वेठीस धरले होते, तश्याच प्रकारे आजच्या कलीयुगात गेल्या वर्षापासून करोना नामक सर्पाने समस्त मानव जातीला विळखा घालून वेठीस धरून ठेवले आहे. करोना महारोगाने गेल्या सालापासून संपूर्ण दुनियेची घडी जी काही विस्कटवून टाकली आहे ती, अथक प्रयत्नांती ही अजून नीट बसलेली नाही.

जानेवारी २०२० ला करोनाच्या विषाणूने भारतात शिरकाव केला आणि मार्च अखेरीस करोनाला रोखण्याचा शेवटचा पर्याय म्हणून केंद्र सरकारने संपूर्ण देशात लॉकडाऊन लावले.

__ आणि क्षणार्धात अवघा देश ठप्प झाला.