जन्माची . . .

सल, जन्माची . . .

"काय करायचं काय नक्की मी? कि ज्याने ते माझ्यासोबत असं वागणं सोडून देतील??"
आज भैरवीचा स्वतःवरचा सय्यम सुटला आणि एका कोपऱ्यात बसून ती आक्रंदत होती मनातल्या मनात. नकळत आसवांचा बांध फुटला आणि दोन महिन्यांपासून साठवलेलं सगळं अगदी सगळंच डोळ्यांतून बाहेर वाहत होतं.

काय केलंय इतकं असं मी?? साखरपुडा मोडला इतकंच ना??
अरे तुम्ही लोकांनी ठरवलेला मुलगा दारू पितो हे कळलं म्हणूनच तोडलं ना ते नातं मी, कि हौस होती मला स्वतःवर डाग लावून घ्यायची?