मुलांना वाढवणे

काही दिवसांपूर्वी सहज यू ट्यूब वर काहीतरी शोधताना करताकरता "सुबोध दादाची गोष्ट" असे नाव दिसले."अनिमाची दम्मा" अशा नावाची गोष्ट दिसली .मी व्हिडीओ चालू करून पाहिला पूर्ण आणि मला खूप आवडला. मग मी ती गोष्ट डाउनलोड केली आणि स्वयम ला- माझ्या मुलाला पहायला लावली. (खरेतर ऐकायला लावली - मी असे का म्हणतेय, हे पुढे सांगणारच आहे. )त्यालाही ती आवडली. छोटीशीच गोष्ट होती, पण मनाला भावणारी होती, सुबोध भावेंनी छान सादर केली होती. स्वयमला मनापासून आवडली, ह्याची खात्री पटल्यावर मी या यू ट्यूब चॅनेल चे सबस्क्रिप्शन घेऊन टाकले . आणि तेव्हापासून स्वयम रोज एकेक गोष्ट पाहतो आहे. (ऐकतो आहे. )