ओलेग गोर्दिएव्स्की

शीतयुद्धाच्या चरमकाळात सोविएत आणि नाटो राष्ट्रात एकमेकांबद्दल टोकाचा अविश्वास होता. नाटो राष्ट्रांसाठी सोविएत रशियात हेर वा डबल एजंट चालवणे जवळजवळ अशक्य होते. केजीबीची सरकार तसेच समाजावर मजबूत पकड होती. पाश्चिमात्य राष्ट्रांमध्ये देशांतर्गत व देशाबाहेर काम करण्यासाठी स्वतंत्र सरकारी यंत्रणा होत्या. जसे अमेरिकेत एफबीआय व सीआयए, इंग्लंडमध्ये एम.आय.५ व एम.आय.६ (भारतात आयबी व आर अँड ए.डब्ल्यु.). मात्र सोविएतमध्ये केजीबीच सर्वेसर्वा होती. केजीबी निरंकुशदेखील होती.