मराठी गझल

का पुन्हा खोटे हसावे वाटते?
चेहर्‍यामागे लपावे वाटते...

कोणते ओझे उरी मी वाहतो
मोकळे व्हावे, रडावे वाटते!

चार दाणे आज कोणी टाकले
पाखरांना किलबिलावे वाटते

नेहमी नाकापुढे तो चालतो
नेहमी त्याला वळावे वाटते!

रात्र सरली, दूर तम झाले कुठे पण?
जाणतेपण जाणता आले कुठे पण?

माजलेली यादवी चोहीकडे ही
ते तृणांचे आजला भाले कुठे पण?

ही कुणाची पाउले रेंगाळणारी?
मार्ग जाणारे खुले झाले कुठे पण?

अंतरंगी वादळे घोंघावणारी

असे जहालसे जहर तुझी नजर
मनात निर्मिते कहर तुझी नजर!

कितीक टाळलेस शब्द तू तरी
हळूच देतसे खबर तुझी नजर

मिठीतुनी हवे तसे दिलेच ना?
अजून मागतेय कर तुझी नजर!

दिसायची तिच्यातली अथांगता
करायची मनात घर तुझी नजर...

सखे तुझ्या मिठीमध्ये अनंतता
कशास पाहते प्रहर तुझी नजर?

खुशाल जा तुला जिथे हवे तिथे
मला पुरेल जन्मभर तुझी नजर

दिसायचे कसे मिटून पापण्या?
करायची कुठे सफर तुझी नजर?

फिरायचो जरी भणंग एकटा
दिसायचीच रानभर तुझी नजर

अजूनही तुझ्या मनी उन्हे कशी?
अजून शिंपतेच सर तुझी नजर

सोडून सावलीला पळणार मी कितीसा ?
केले तुला वजा तर उरणार मी कितीसा..!

स्वप्नातले उखाणे होते अजून बाकी,
जागेपणी खुलासा करणार मी कितीसा..

कोमेजतो कधी का निवडुंग कुंपणाचा,
फुललो जराजरासा, गळणार मी कितीसा..

प्रत्येक पापणीच्या पडद्यात वेदनांचे आभाळ दाटलेले
प्रत्येक माणसाच्या हृदयात वादळाचे थैमान माजलेले

बाहेरच्या जगाचे पचवून वीष सारे अंतर्मनात जावे
प्रत्येक सागराच्या गर्भास अमृताचे वरदान लाभलेले

दिवसांवर दिवसांच्या राशी
जीवन म्हणजे खर्डेघाशी

फोडासम ज़पलेले शैशव
खपली धरते तळहाताशी

तुझ्या बटांशी खेळुन जावे,
वार्‍याची इतकी बदमाशी?

बांधू जेथे घरटे आपण
तिथेच मथुरा,तिथेच काशी

भुकेल्यांस भाकरी नसे, अन्

गंध इथले वेगळे पण श्वास माझा तोच आहे
बंध हे रेशम जरी मी त्यात गुदमरलोच आहे

नेमकेपण येत आहे आपल्या नात्यात आता
बोलतो केव्हातरी अन त्यातसुद्धा खोच आहे

मी किती हुसकावले, दुर्लक्ष केले, टाळलेही

तसेच ते खुळे ठराव वाचतो बजेटमधे
सदैव वाढतात भाव, पाहतो बजेटमधे

अजून राहिलेत द्यायचे जुनेच कर तरी
नवीन कर, नवीन घाव झेलतो बजेटमधे

करोड अब्ज खर्व पद्म चालतात खेळ पण
इथे ठिगळ, तिथे भराव घालतो बजेटमधे

निवांत थांबले समोर खर्च डोंगरापरी
सुखा तुझा कधी निभाव लागतो बजेटमधे?

उदंड फक्त घोषणा न ठोस पाउले कुठे
निवडणुके, तुझा सराव चालतो बजेटमधे!

प्रसाद
www.sadha-sopa.com

दारु ( ग़ज़ल/ हज़ल )

नशा आगळी आज मद्यात होती...
अता धुंद मैफील रंगात होती...

किती पेग आले, किती रिक्त झाले;
जणू काय टाकीच पोटात होती...

कधी 'स्ट्रेट' गेला, कधी 'टॉप' केला;
कधी 'नीट' 'व्हीस्की'च बर्फात होती...

इथे 'वोडका' हा, तिथे ती 'टकीला';

मधाळसा हसेन मी... ( गझल )

तुझ्याच आठवांतला, खुमार हा जगेन मी...
उदास पापण्यांतुनी, मधाळसा हसेन मी...

भुलावणे तुला सखे, मला न शक्य व्हायचे;
तुझा सुगंध लाघवी, मनामधे जपेन मी...

निरोप घेतला जरी, करू नकोस काळजी;