कालमापन

मानवी उत्क्रांतीच्या सुरुवातीच्या टप्प्यावर असताना मानवाने बराच काळ हा आत्ता आणि आज जगण्यात घालवला. अन्न संकलक आणि शिकारी मानव समूहांचा बराच काळ हा खायचे काय हा प्रश्न सोडवण्यात जात होता. सर्व काही आज आणि आत्ता. पु लंच्या तुझे आहे तुझ्यापाशी मधला काकाजी म्हणतो तश्या दोनच वेळा. सकाळ झाली, दिसू लागले कि अन्न मिळवून जेवायची वेळ. रात्र झाली कि झोपायचं. कार्पे दिएम हे वेगळं सांगायची गरजच नव्हती.