विसरून गेली
Submitted by शिवाजी उमाजी on 26 July, 2017 - 07:02
विसरून गेली
डोळ्यात स्वप्ने कोणती देवून गेली
काळजात माझ्या घर करून गेली
चेतवून शब्द याग मज मनात येथे
लिहिण्याचे असे वेड लावून गेली
स्पंदने ह्रदयाची गातात तीच गीते
सांज किनारी तु जी शिकवून गेली
विस्मरावी मी कशी ती सारी स्वप्ने
पाहिलेली आपण जी सोडून गेली
मोगरा गंधवेडा केसात माळलेला
वहीत माझ्या कसा विसरून गेली
विषय:
शब्दखुणा:
