तुझी आठवण पुन्हा दे ना..!!
Submitted by दुसरबीडकर on 16 June, 2017 - 13:10
मेंदीचाही रंग खुलेना..
तुझी आठवण पुन्हा दे ना..!!
धुर्या-धुर्याचे टिचभर अंतर..
पार कराया जन्म पुरेना..!!
असह्य होतो जिवास उष्मा..
उन्हासही सावली मिळेना..!!
सुटी उन्हाळी हरवून गेली..
जन्माची शाळा समजेना..!!
नकळताच फोफावत जाते ..
दुःख असावे बहुदा केना..!!
लहान होतो,मोठा झालो..
लहान व्हावे कसे कळेना..!!
तिच्याएेवढे सुरेख जगणे..
तिच्याविनाही जगून घे ना..!!
-गणेश शिंदे दुसरबीडकर
विषय:
शब्दखुणा:
