हरी ॐ

'हरी ॐ' काकांची आणि माझी भेट पुण्यातल्या एका वृद्धाश्रमात झाली. आमच्या कंपनीतील काहीजण मिळून आम्ही दर एक, दोन महिन्याला एखाद्या गरजू संस्थेला, अनाथआश्रमाला वगैरे गरजेनुसार वस्तूंची थोडीफार मदत करतो. असंच एकदा आम्ही सर्व त्या वृद्धाश्रमात गेलो होतो . सकाळची वेळ होती आश्रमातली पुरुष मंडळी, स्त्रिया सकाळच्या कोवळ्या उन्हात फेरफटका मारत होते. कोणी आमच्या सारखेच काही कामानिम्मित आलेले होते. तर काही जण खुर्च्या टाकून बसले होते.