नियतकालीक

आमचा सल्ला

आप-आपल्या पध्दतीनं
प्रत्येकजन बोलतो आहे
कुणी जनतेच्या भावनांशी
भावनाशुन्य खेळतो आहे

मात्र ठोकायच्या म्हणून
उगीच बाता ना ठोकाव्यात
आपल्या भावना मांडताना
इतरांच्या भावना जपाव्यात

विशाल मस्के
सौताडा,पाटोदा,बीड.
मो.९७३०५७३७८३

घटकपक्षांचे एल्गार

देणारांनी अजुन ना दिला आहे
ना मागणारेही थकलेले आहेत
सत्तेत वाटा मिळवता-मिळवता
घटकपक्ष मात्र ठकलेले आहेत,.?

सत्तेतला वाटा देण्याबाबत
देणारे अजुनही गपगार आहेत
मात्र सत्तेसाठी घटकपक्षांचे
एल्गारांवरती एल्गार आहेत

विशाल मस्के
सौताडा,पाटोदा,बीड.
मो.९७३०५७३७८३

कायदा

कायद्यापुढे सर्व समान आहेत
विषय नाही गरिब-श्रीमंतीचा
विषय आहे मात्र गरिबाच्या
न्यायासाठी होणार्या भ्रमंतीचा

न्यायिक विषमतेचा विषय मात्र
नव्या नव्याने नवतीवर असतो
सर्वांसाठी कायदा समान आहे
उपयोग मात्र कुवतीवर असतो

विशाल मस्के
सौताडा,पाटोदा,बीड.
मो.९७३०५७३७८३

प्रसिध्दीच्या पोळ्या

जे काही अंदाज लावलेले होते
ते सुध्दा व्यर्थ होऊन राहिले
आप-आपल्या पध्दतीनं कुणी
वेग-वेगळे अर्थही लावुन पाहिले

वैचारिक आणि अवैचारिक सुध्दा
एकएकाचे विधानं गाजु लागतील
कुणी सलमान खानच्या खटल्यावरती
प्रसिध्दीच्या पोळ्याही भाजु पाहतील

विशाल मस्के
सौताडा,पाटोदा,बीड.
मो.९७३०५७३७८३

सल-मान

कुणी म्हणाले योग्य आहे
कुणी मात्र रडून गेले
सलमानच्या शिक्षेवरती
खुप काही घडून आले

सलमानच्या या प्रकरणात
कुणी सांत्वनाला जाई
मात्र कुणा-कुणाच्या मनात
सल आहे पण मान नाही

विशाल मस्के
सौताडा,पाटोदा,बीड.
मो.९७३०५७३७८३

विचार-सरणी

गुन्हेगाराच्या गुन्हेगारीवर
सगळेच तोशेरे ओढतात
तर त्याच्या सांत्वनालाही
कधी-कधी बसेरे वाढतात

केल्या कर्माच्या मोबदल्याला
जैसी करणी-वैसी भरणी असते
मात्र प्रत्येक गोष्टीच्या पाहण्याला
वेग-वेगळी विचारसरणी असते

विशाल मस्के
सौताडा,पाटोदा,बीड.
मो.९७३०५७३७८३

कायद्याच्या कचाट्यात

माणसांसाठीच माणसांनी
बनवलेला कायदा असतो
माणसांच्या या कायद्याचा
माणसांनाच फायदा असतो

त्यांना शिक्षा तर होणारच
जे अपराधांत ओले आहेत
कारण कायद्याच्या कचाट्यात
भले-भले ना भले आहेत

विशाल मस्के
सौताडा,पाटोदा,बीड.
मो.९७३०५७३७८३

ना हिट,ना रन

बोला कीतीही खोटे कुणीही
सत्यापुढे ते ना भावते आहे
सांगा असत्य टिकेलच कसे
इथे "सत्यमेव जयते" आहे

कुणी ना थोरले,ना कुणी बारके
सर्वांसाठीच कायदा सम आहे
असुद्या कितीही "हिट" कुणीही
कायद्यापुढे ना त्याची "रन" आहे

विशाल मस्के
सौताडा,पाटोदा,बीड.
मो.९७३०५७३७८३

नैसर्गिक बदल

कुणी शाब्दीक दोष दिले
कुणी भावनीक रोष केले
कुणी-कुणी तर म्हणाले
या निसर्गाचेच होश गेले

आपण काहीही म्हटलो तरीही
निसर्ग अनियमितता टिकवुन आहे
निसर्गाचा घडणारा प्रत्येक बदल
आता नैसर्गिकतेलाही ठकवुन आहे

विशाल मस्के
सौताडा,पाटोदा,बीड.
मो.९७३०५७३७८३

म्हाळसा देवीचे स्टेटस

टिव्ही मधील सिरियलचा
मना-मनात गुंता आहे
खंडेरायाच्या लग्नाची
घरा-घरात चिंता आहे

कुणी भलते बेफाम झालेत
कुणी सावरू लागले आहेत
म्हाळसादेवीचे स्टेटस् मात्र
मिडीयात वावरू लागले आहेत

विशाल मस्के
सौताडा,पाटोदा,बीड.
मो.९७३०५७३७८३