शोषित योद्ध्या - भाग २

http://www.maayboli.com/node/48052 - भाग पहिला

रीनाचे आई वडील लहानपणीच गेल्यामुळे तिचा सांभाळ तिच्या आजीने केला. सांभाळ म्हणजे किती? तर रीना सोळा वर्षाची होईपर्यंत! मग घोडेगावहून अचानक बीडला आलेले एक कुटुंब रीनाला मागणी घालू लागले. काळी सावळी, टपोर्‍या आणि बोलक्या डोळ्यांची लाजरीबुजरी रीना मान खाली घालून बसली होती. तिचे बोलणे, संस्कार, सवयी, घरकामाचा अनुभव असे प्रश्न विचारून समाधान झाल्यावर तिथल्यातिथेच सुपारी फोडण्यात आली आणि पंधरा दिवसांनी काही किरकोळ दागिने, मानपान, साड्या यासह रीनाची पाठवणी पुण्यात तिच्या सासरी केली गेली.