ध्यान .साक्षी अवस्था .

साक्षीला नसतो आधार आकार
मंत्रध्वनी अन श्वासांचा प्रकार |
अद्भुत निळूल्या प्रकाशी अपार
साक्षीला भेटतो यार दिलदार |
साक्षीला नसे करणे सवरणे
कुणास अथवा काहीही मागणे |
अपेक्षे वाचून एकांती रमणे
जाणीवी नेणीवी स्वानंद भोगणे |
साक्षीला नसते नटणे दिसणे
आपल्यातच वा रडणे कुढणे |
मागीतल्या वाचून अवघे देणे
रंग रूप काया कुर्बान करणे |
शोधल्या वाचून कुणास शोधणे
हरवल्या विन हरवून जाणे |
आतल्या दिव्याचे क्षणात पेटणे
तेलवाती विन अखंड जळणे |