दिवाळी किल्ले

दिवाळी म्हटले की किल्ले तयार करण्याची लगबग बच्चे कंपनीत सुरू होते. परवा सोसायटीत हिंडताना लक्षात आले की, एकाही मुलाने किल्ला तयार केलेला नाही. न राहून मुलाला मदतीला घेऊन माती, दगड गोळा करून थोड्याच वेळात मातीचा किल्ला बनवला. माती शोधण्याची वेळ आली नाही. एमजीएनल (गॅस कंपनी) ने खोदकाम करून ठेवल्याने हा प्रश्न मिटला. मातीचीच तटबंदी, विहिर, शेती, गुहा तयार करून किल्याखाली शेतीसाठी जमिन तयार करून ठेवली. त्यावर आळीव टाकले झाला तयार किल्ला. दोन तासात गड सर झाला.