जोग

जोग

वूड्स होलने मला ज्या अनेक गोष्टी दिल्या त्यातील एक म्हणजे आपलं संगीत ऐकायला खूप मोकळा वेळ दिला. संध्याकाळी ५ ला लॅबमधून आलो की अगदी मध्यरात्रीपर्यंत वेळच वेळ. आणि घरासमोरच समुद्रकिनारा. सरळ किनाऱ्यावर जाऊन गाणी ऐकत बसायचो. असंच एकदा मी तिथं मला माहित नसणारा एक राग ऐकला....जोग! जानेवारीची कडाक्याची थंडी, शांत समुद्र आणि मी किनाऱ्यावर बसलेलो असताना, वीणाताई राग जोग आळवू लागल्या!