रचला तुझ्यावरती पुन्हा अल्लड तराणा
Submitted by तिलकधारी on 31 January, 2013 - 05:16
रचला तुझ्यावरती पुन्हा अल्लड तराणा
उडला पुन्हा परिपक्व दु:खांचा खकाणा
दारातल्या कुत्र्यापुढे पडताच पोळ्या
दारातुनी गेला भिकारी दीनवाणा
मुर्दाडतेची धाप हे आयुष्य आहे
जन्मास येणे फक्त मृत्यूचा बहाणा
बसतात काही पारवे खिडकीत माझ्या
बाकी दिवस जातो तसा कंटाळवाणा
कित्येक वर्षांनी कळाले की म्हणे ती
घेते अधेमध्ये चुकुन माझा उखाणा
विषय:
शब्दखुणा:
