काँक्रीटची घरे

ओशिळां[१]चे निवारे

सांधका[२]चे बंध सारे, ओशिळांचे अन्‌ निवारे ।
सरकत्या काचाच खिडक्या, कणपटां[३]ची त्यांस द्वारे ॥ धृ ॥

लोह-जाळ्यांची कवाडे, रक्षती खिडक्या नी दारे ।
निरखण्या आगांतुकासी, दृश्यभिंग[४] देती सहारे ॥ १ ॥

भिंतींतुनी जडल्या कळां[५]चे, छन्नमार्गी नाद[६] सारे ।
रात्रखिट्टी[७] काढता आतून, उघडे दार बा रे ॥ २ ॥

उद्‌वाहकाभोवती फिरत, चढती कसे सारे जिने ।
गाळे निवासी वसवले, जणू छन्नमार्गी हारीने ॥ ३ ॥

मजल्यागणिक चढत्या दराने, विकत घेऊ आम्ही वारे ।
तुटक सारी संस्कृती अन्‌, सदनिकांची बंद दारे ॥ ४ ॥

नरेंद्र गोळे २०१२०७२३