हमने देखी हैं उन आंखोकी मेहकती खुशबू..

''हमने देखी है..'' - गुलझारजी- एक पद्यानुवाद

पाहिली आहे मी त्या दिठीतली परिमळणारी गंधकळा
हातांनी स्पर्शून देऊ नये कुणी नात्यांचे संदर्भ हिला
आकळते अंतर्यामाला अनुभूती ही तरलाविरला
प्रीतीला प्रीतीच राहू दे का नावाचा उपसर्ग तिला..

प्रीती म्हणजे उच्चार नसे किंवा ध्वनीची कंपना कुणी
मौनाची ही तर संवादिनी सांगे ऐके ही मूकपणी
ना विझते,थबकत नाही कुठे,कुंठित होईना एकक्षणी
शतशतकांतून वाहत येते ही चैतन्याची दिव्यकणी

एक हसू दबल्या हर्षाचे डोळ्यांमध्ये अस्फुट उमले
अन झोत प्रकाशांचे झुकल्या पापणीत ओठंगून आले
ओठांनी काही न सांगितले.. का मग कंपित ते झाले