रानभाज्या - कुलू

यालाच कोचिंदा पण म्हणतात. पोटासाठी चांगली असते हि भाजी. पण कोवळीच घ्यावी. नंतर जून झाली कि शिजत नाही.

मुगाची डाळ घालून शनिवारी बनवली होती. खुप छान झाली.

पण या भाज्या कुठे मिळतात ? मला तर कधीच दिसत नाहित

तू मुंबईत आहेस का?
शनिवारी दादरला भरपूर ठिकाणी ही भाजी विकायला ठेवलेली पाहिली. मी माझ्या घराजवळ कुर्ल्याला एका भाजीवाल्याकडून घेतली.

नाही ना
मी पुण्यात असते...

पुण्यात कुठे मिळेल, काही सांगू शकत नाही. माझ्या सासरी विदर्भातही ही भाजी खातात, त्याला धान भाजी म्हणतात.

मला परवा ठाणा स्टेशनजवळ दिसली कोवळी ताजी ताजी. पण काय आहे हे माहित नव्हते त्यामुळे घेतलंच नाही.

मी आज आणली आहे जांभळी नाक्याला मिळाली

मनिषा, खुप माती असते या भाजीला. खुपवेळा धुवून मग चिरायला घे.

नाही गं अमि! मी तर मस्त स्वच्छ पाहिली.

अश्विनी, दिसायला स्वच्छ दिसते गं, पण त्याच्या पातींचा थोडा दुमडलेला भाग असतो ना, त्याला माती लागलेली असते.

मी सरळ लसणीची फोडणी करुन तेलावर परतली आणि मग दाण्याच कुट घातल थोडसं . छान लागली.

बरीच धुवावी लागली भाजी

अमेरिकेत चायनीझ चाईव्ह या नावाने एशियन ग्रोसरी मधे असतात जुड्या, तीच का ही भाजी ?

जागू , दिनेशदा मी काल हि भाजी मार्केट मध्ये बघितली. हिला पोकळी ची भाजी म्हणतात का?
असेच काही नाव सांगितले भाजीवाली ने. आईने फोनवर हेच नाव असते असे सांगितले. पोकळीची भाजी वेगळी असते का? वर फोटोतील भाजीसार्खीच दिसत होती
भाजी घ्यायची होती पण पुन्हा येईपर्यंत संपून गेली होती.

या भाजीत आम्ही वालाचं बिर्ड घालतो मस्त होते..... कुडु ची भाजी नाही टाकलीस का जागु ताई??

आमच्याकडे फोडशिची भाजी म्हणतात या भाजीला.
माझ्या सासरी ही भाजी मोसमात पहिल्यांदा केली कि देवापुढे ठेवतात.

आईने त्यात सुका जवळा टाकलेला. मस्त झालेली भाजी!!

हैला.. ही भाजी तर मी चायनीज भाजीच समजत होते आत्तापर्यंत..आणी तशीच स्टर फ्राय करून खात होते.. अशी करून पाहीन आता..

आम्ही पण याला फोडशिची भाजी म्हणतो. माझी बहिण या पावसाळी भाज्या खुप करते. कालच माझ्या बहिणीने मला ही भाजी स्कायप वर दाखवली, म्हणुन मला ही भाजी माहीत झाली. ती याची भजी करणार होती.....नेहमीच्या कांदा भजी सारखीच पण कांद्याबरोबर ही भाजीही चिरुन ती टाकते.

आज हुशारीत दोन जुड्या आणल्या . निवडायला 5 मिनिटे आणि भाजी धुवायला 30 मिनिटे लागली. फार माती होती. एकेक पात धुतलं.
भाजीवाल्या ताईने फोडशीची भाजी म्हणून सांगितले.