कोबीची कोशिंबीर

छान वाटतेय. करून पाहणार नक्की.

फोडणी गार करून घालायची की गरम असतानाच?

छान वाटते आहे. नक्की करणार

कोबीची कचकच आवडते.
अगदी फ्रेश माल दिसतोय..
या सोबत तोंडी लावायला थोडे चिकन तंदूरी मिळाले तर अजून मजा येईल.

कोबी किसुन घेतला तर छान ज्युसी होते कोशिंबीर. डाळिंबाचे दाणे मी पण घालते.

दिसतेय छान 👌

पण करणार नाही, कोबीचा उग्र वास आवडत नाय

मस्त रंगीबेरंगी दिसते आहे कोशिंबीर!

मी कोबी बारीक चिरून त्यात ओलं खोबरं, दाण्याचं कूट, बारीक चिरून हिरवी मिरची, कोथिंबीर, मीठ, लिंबूरस आणि साखर घालून करते. अट एकच - हाताने कालवायची, चमच्याने नाही!
वरून फोडणी ऑप्शनल.

बघेन करून - कोल स्लॉ आवडतोच, त्यामुळे दही घालूनही आवडेल नक्की!

मस्त रेस्पी! आमच्याकडे पचडी करतात साधारण अशीच. कोबी याहून बारीक किसलेला असतो मात्र.

छान रेसिपी
.
सोमवार आहे म्हणून कोबीच सापडला तुम्हाला?
.
सगळ्यात शेवटी सर्व -> सर्व न करता सर्व्ह केले तर चालेल?

ही छान आहे.
कोबी मला बारीक चिरता येत नाही, किसायला घेतला तरी दोन मिनिटांत तो कोबीचा तुकडा जीव टाकून वेगळा वेगळा होतो.
मी अशीच करतो. लिंबू आणि मीठ + इतर काय असेल ते ऑप्शनल.
असंच कॉस्कोचं ब्लूचीज वालं सॅलड ही आवडतं. कोबीच्या या कोशिंबिरीवर ब्लूचीज + क्रम्स कधी आणलं तर घालून बघितलं पाहिजेत.

मी पण अशीच करते फक्त कोबी भाजी सारखा न चिरता चायनीज ला अगदी बारीक चिरतो तसा चिरून (म्हणजे दाताला फार व्यायाम होत नाही)वरून गरम फोडणी.
थोडीशी साखर,कूट घालूनही छान लागते ब्राम्हण पद्धतीने.
कोशिंबिरी चा फोटो फ्रेश आलाय.

मस्त दिसत आहे कोशिंबीर. डाळिंबाने शाही झाली आहे.
मी वाफवून करते, फोडणी, दाण्याचा कूट, लिंबू घालते, दही घालत नाही. कोलस्लॉचे पाकीट असले की झटपट होते पचडी/ कोशिंबीर.

आम्ही पण दाकु घालून कोशिंबिरवाले. पण मला कोल स्लॉही खूप आवडतं आणि तोनकात्सुबरोबर पातळ चिरलेला कोबी देतात तो ही आवडतो.

मस्त दिसते आहे. क्रंची कोबी आवडतो आणि कोलस्लॉ पण आवडतो. डाळिंब दाणे न घालता करून बघेन.

मस्त रंगीबेरंगी दिसतेय कोशिंबीर!
आम्ही करतो.

आवडता पदार्थ. मी कोबी किसून घालते. थोडं दाण्याचं कूट पण. हाताने कालवायची.

भारी दिसतेय डिश. करून पाहीन. कच्चा कोबी कधी खाल्ला नाही .

( रच्याकने ललित लेखनात धागा असल्याने दवणीय टाईप लेख असेल असे वाटून धागा उघडला नव्हता . )

छान दिसतेय.

आम्ही कोबीची पचेडी करतो. कोबी किसून किंवा बारीक चिरुन, त्यात दाण्याचं कुट घालून लिंबूरस घालतो. मिरच्या, कढीलिंब पाने फोडणी करतो वरुन, मग कालवतो. मी चार मेथीदाणेही घालते फोडणीत, कोबीत थोडं आलं घालते, किंचित मीरपुड, ओवा घालते, वरुन कोथिंबीर. कधी लिंबाऐवजी दही घालते, कधी ओलं खोबरंही घालते. मेन दाण्याचं कुट हवंच मात्र.

मस्तच दिसतेय.
कोबी चिरून केलेलं असच सॅलड खुप आवडतं , किसून केलेल्या पचडी पेक्षा.

कोबी पात्तळ उभा चिरून घ्यायचा, कांदे, काकडी, बिया काढून टोमॅटो , फुगी मिरची जे असेल ते ही सगळ उभं उभं पातळ चिरून घ्यायचं. थोडे पनीर चे क्युब्ज घालायचे. असले तर, चारोळ्या किंवा बदामाचे तुकडे घालायचे चवीला. तेल, मध, लिंबू रस, मिरी पावडर मीठ असं ड्रेसिंग करून त्यावर ओतयच, कधी तरी इटालियन हर्ब्ज भुरभु रवायचे हलक्या हाताने बदल म्हणून. मिक्स करून लगेच खायचं. वेळ गेला तर मीठामुळे सॅलड मऊ पडतं आणि मजा नाही येत. करून बघा नक्की.

कोबी वाफवून घेतो कोबीचा पाद्रट उग्र वास जायला. कोबीको मध्ये ओलं खोबरं , कच्ची हिरवी मिरची , कोथींबीर व लिंबू पाहिजेच.
मग वरून जीर्‍याची फोडणी. नाहितर नुसते मीठ, दही , कोथींबीर व डाळींबाचे दाणे.

सुंदर दिसतेय.
डाळिंबाचे दाणे गेमचेंजर आहेत.
करून पाहीन. यात गाजर किसून टाकलं तर चालेल का?