गणगण गणात बोते

गणगण गणात बोते
बोला, गणगण गणात बोते
माऊलीच या बोलामधूनी
चित्ता शांतवते
गणगण गणात बोते
बोला, गणगण गणात बोते

अजाण आणिक चंचल बालक
असे तुझा मी हे माते
तरी प्रेमाने कर हा धरुनी
योग्य पथावर मज नेते
तूच कृपाळू, तूच दयाळू
मार्ग दाविती बोल तुझे
गणगण गणात बोते
बोला, गणगण गणात बोते

गुरुमाऊली काय वर्णू मी
शब्दातीत अपुले नाते
तुझ्या कृपेने संकटातही
मनात माझ्या भय नुरते
आणिक तारुन नेती मजला
गणगण गणात बोल तुझे
माऊलीच या बोलामधूनी
चित्ता शांतवते

गणगण गणात बोते
बोला, गणगण गणात बोते
गणगण गणात बोते
बोला, गणगण गणात बोते