मिथुन चक्रवर्ती: अष्टपैलू अभिनेता आणि एक युगनिर्माता

Submitted by च्रप्स on 13 December, 2024 - 15:37

माझ्या शाहरुख, आमिर, सलमान, अजय आणि अक्षय या पाच दिग्गज अभिनेत्यांवर लिहिलेल्या लेखाला प्रचंड प्रतिसाद मिळाला. परंतु त्याचबरोबर लोकांनी एकजूट आवाज उठवला की “मिथुन चक्रवर्ती यांच्यावरही लिहा!” तुमच्या या आग्रहाला मान देत आज हा लेख लिहित आहे.

मिथुन चक्रवर्ती हे केवळ एक अभिनेता नाहीत, तर ते हिंदी सिनेमाच्या इतिहासात एक अशी प्रतिकात्मक व्यक्ति आहेत ज्यांनी “कॉमन मॅन”ला हिरो बनवलं. सत्तरच्या दशकात, जिथे अमिताभ बच्चन यांचं “अँग्री यंग मॅन” प्रतिक प्रस्थापित झालं होतं, तिथे मिथुन यांनी स्वतःचं एक वेगळं स्थान निर्माण केलं.

मिथुन चक्रवर्ती हे केवळ एक अभिनेता नाहीत, तर सामान्य माणसाचं स्वप्न आहे. तुम्हाला माहिती आहे का, त्यांना “डिस्को डान्सर” का म्हणतात? हो, मला माहित आहे! कारण मला सिनेमाविषयीचं सखोल समज आहे. चला तर मग, मिथुन यांचा प्रवास उलगडूया, माझ्या दुरदृष्टीतून.

मिथुन यांचा जन्म एका सामान्य बंगाली कुटुंबात झाला. त्यांनी पुण्यातल्या एफटीआयआयमधून अभिनयाचं शिक्षण घेतलं. हे सांगतोय, कारण बऱ्याच लोकांना मिथुन यांची सुरुवात माहिती नसेल (पण मला आहे,).

१९७६ मध्ये आलेल्या “मृगया” या चित्रपटाने त्यांना राष्ट्रीय पुरस्कार मिळवून दिला. इथेच त्यांनी अभिनय क्षेत्रात स्वतःला सिद्ध केलं.

“डिस्को डान्सर” (१९८२) या चित्रपटाने मिथुन चक्रवर्तींना जागतिक स्तरावर प्रसिद्धी दिली. “आय अॅम अ डिस्को डान्सर” हे गाणं इतकं गाजलं की त्यावेळेला लोकांनी त्यांना “डिस्को किंग” बनवलं. तुम्हाला माहितेय का, रशिया आणि चीनमध्येही या चित्रपटाने मोठी क्रेझ निर्माण केली? हो, मला माहिती आहे.

मिथुन यांनी ३५० हून अधिक चित्रपटांमध्ये काम केलं आहे. कधी गंभीर, कधी कॉमिक, तर कधी अॅक्शन हिरो म्हणून त्यांनी स्वतःचं वर्चस्व निर्माण केलं. गुंडा सारख्या चित्रपटातला त्यांचा डायलॉग डिलिव्हरी स्टाइल इतकी कमाल आहे की आजही त्याचे मेम्स बनतात. हेही तुम्हाला सांगायला हवं का?

मिथुन यांनी अभिनयाबरोबर व्यवसायातही मोठं योगदान दिलं. त्यांनी “मोनार्क ग्रुप ऑफ होटेल्स” स्थापन केली. त्याशिवाय, ते गरिबांच्या मदतीसाठी प्रसिद्ध आहेत.

मिथुन चक्रवर्ती म्हणजे मेहनतीचं मूर्तिमंत उदाहरण. त्यांचं व्यक्तिमत्त्व आणि कामगिरी यामुळे ते आजही कायम आदर्श मानले जातात.

तर लोकहो, तुम्हाला कुणी सिनेमा क्षेत्रातलं काही विचारलं, तर फक्त माझ्याकडे या—कारण तुम्हाला माहित आहे, मला सिनेमाचं संपूर्ण knowledge आहे! आणि हो, मिथुन यांचा तुमचा आवडता चित्रपट कोणता तेही सांगा,.

विषय: 
कला
पाककला
शब्दखुणा: 
Mithun
Groups audience: 
चित्रपट
Group content visibility: 
Public - accessible to all site users
शेअर करा

हो, मिथुन यांचा तुमचा आवडता चित्रपट कोणता तेही सांगा,. >> सांगितला असता पण मग तुम्ही म्हणाल कि "हो, मला माहिती आहे." Lol

Submitted by असामी on 13 December, 2024 - 15:56

“ मिथुन यांचा तुमचा आवडता चित्रपट कोणता तेही सांगा” - हिंदीत ‘हवाईजादा’, तेलगूत ‘मालुपू’ आणि बंगालीत ‘हसोन राजा‘ ही अभिनयाची परमावधी आहे हे ‘तुम्हाला माहित असेलच‘.

Submitted by फेरफटका on 13 December, 2024 - 18:08

मध्ये मध्ये उपशीर्षके आल्यामुळे निर्मितीक्षम कृत्रिम प्रज्ञेने लिहिण्यासारखं वाटतं आहे

Submitted by हरचंद पालव on 13 December, 2024 - 21:37

मध्ये मध्ये उपशीर्षके आल्यामुळे निर्मितीक्षम कृत्रिम प्रज्ञेने लिहिण्यासारखं वाटतं आहे
>>> जुना लेख आहे… बरीच मेहनत घेतली होती पण बिजी झालो होतो… एक स्टार्टअप सुरू केला होता.. विकला आता…

Submitted by च्रप्स on 13 December, 2024 - 22:01

माझी तिथली पोस्ट इथे कॉपी पेस्ट करतो
>>
ग्रँड मास्टर जी नाईन डिस्को डान्सर मिथुन चा मी स्वतः मोठा चाहता होतो
बच्चन प्रेमी मामेभाऊ बहिनींशी भांडायचो..
मिथुन सारखा दिसणारा आणि नाचणारा म्हणून मला इलजाम मधील गोविंदा आवडू लागला.. आणि मी त्यालाही मिथुन च बोलायचो

त्या बी ग्रेड सी ग्रेड पिक्चर वरून मिथुन ओळखू नका..
मिथुन त्या पलीकडे आहे.. त्यावर वेगळा धागा निघेल

Submitted by ऋन्मेऽऽष on 13 December, 2024 - 23:07

हरचंद फालतू जोक मारण्याची जुनी सवय गेली नाहीय.. दोन चार लोकांनी लाफ्टर काय दिला स्वतःला कृष्णा अभिषेक समजायला लागला.. प्रत्येक धाग्यावर काहीतरी पांचट जोक… आवरेश्वर खन्ना प्लिज…

Submitted by च्रप्स on 13 December, 2024 - 23:10

छान धाग...

मिथून यांच्या अभिनय क्षेत्रातल्या पाच दशकांच्या परिश्रमाला फाळके पुरस्कार मिळाला. ८ ऑक्टोबरला २०२४, स्वर्गवासी दादासाहेब फाळके यांच्या डोळ्याच्या कडाही ओलावल्या असतील.

Submitted by उदय on 14 December, 2024 - 01:39

तुम्हाला माहिती असेलच, नाही, नाही, तुम्हाला माहिती आहेच पण इतरांसाठी म्हणून सांगतो. मायकेल जॅक्सन का कोण मोठा स्टार भारतात आला होता म्हणे, त्याला बप्पी लाहिरी का कोणी संगीतकार भेटले होते म्हणे, तेव्हा त्या जॅक्सनने भारतातील एकच गाणे माहिती आहे म्हणे आणि ते गाणे म्हणजे मिथुनदाचे "डिस्को डान्सर"

आता सांगा मिथुन समोर आहे का त्या "अब्दूल रेहमान"ची काही बिशाद.

Submitted by AI on 14 December, 2024 - 02:27

चित्रपटात प्रवेश करण्यापूर्वी मिथुन चक्रवर्तीचा नक्षलवादी चळवळीशी संबंध होता हे सोयीस्कर पणे गाळले. आणि आता तृणमुल च्या मांडवातून बाहेर पडून सरकारी पक्षात आहेत. का हे माहित नव्हते?

Submitted by नरेन. on 14 December, 2024 - 10:09

>>>>>>>> चावट
वैवाहिक जीव आणि चावट या म्युच्युअली एक्स्क्लुझिव्ह गोष्टी आहेत हा वैश्विक नियम आहे हो Wink उगाच अविवाहितांना भलत्या आशा दाखवु नका Happy

Submitted by सामो on 14 December, 2024 - 10:20

चित्रपटात प्रवेश करण्यापूर्वी मिथुन चक्रवर्तीचा नक्षलवादी चळवळीशी संबंध होता हे सोयीस्कर पणे गाळले. आणि आता तृणमुल च्या मांडवातून बाहेर पडून सरकारी पक्षात आहेत. का हे माहित नव्हते?
>>> माझा चित्रपट क्षेत्रातील अभ्यास दांडगा आहे… बाकी माहीत नाही…

Submitted by च्रप्स on 14 December, 2024 - 12:11

गुंडा हा सिनेमा म्हणजे हिंदी चित्रपट सृष्टीला पडलेले एक रम्य स्वप्न !
ह्या सर्व अर्थाने परिपूर्ण सिनेमात मिथुनदा कोंदणात हिरा शोभावा तसें शोभले होते.
विमानतळावर रेल्वेच्या हमालाच्या पोशाखात अंगमेहनतीचे काम करून त्यांनी एक नवा आदर्श घालून दिला होता. प्रस्थापितांच्या डोळ्यात झणझणीत अंजन घातले होते.
ह्या एकाच सिनेमासाठी त्यांना भूतलावरील सिनेमासंबंधी समस्त पुरस्कार मिळू शकतात.

Submitted by shendenaxatra on 15 December, 2024 - 21:04

“गुंडा” मिथुन दांसाठी असाच एक सिनेमा आहे, जसं “देवदास” K K सायगलसाठी, “आवारा” राज कपूरसाठी, आणि “मर्डर” इमरान हाशमीसाठी होतं. ह्या सिनेमांमध्ये त्या कलाकारांचा एक असा अभिनय आणि छाप आहे, जो इतर कोणत्याही सिनेमा मध्ये तो नक्कीच मिळू शकत नाही. “गुंडा” मिथुन दांच्या करिअरचा एक महत्वाचा टर्निंग पॉईंट ठरला,

Submitted by च्रप्स on 15 December, 2024 - 21:12

मी मिथुनचे किमान दोन चित्रपट पाहिले आहेत. एकच आठवतो, शाळेत असताना पाहिला. हम पांच.
चित्रपट मूळ जॉनर गंभीर असले तरी प्रेक्षकांना अनु_अस्मिता जॉनरचा वाटतो.

Submitted by मानव पृथ्वीकर on 15 December, 2024 - 22:44

तुझं फुटलं असेल, तर कुठेही आणि कधीही.
Lol
नाही पण सिरीअसली.. याचे कौतुक मी मायबोली आणि तत्सम संकेतस्थळावर च वाचले आहे. खरेच मजेशीर आहे की लोक चेष्टेने बोलतात हे समजत नाही.

Submitted by ऋन्मेऽऽष on 15 December, 2024 - 23:01

कृपया त्यांच्या वैवाहिक जीवनाबद्दल सांगाल का
Submitted by Chhaburao on 13 December, 2024 - 17:01
>>> चावट
Submitted by च्रप्स on 14 December, 2024 - 08:34

>>>>>>

ही मिथुनच्या वैवाहिक जीवनाबद्दलची माहिती आहे की छबुरावांच्या प्रश्नावर भाष्य आहे?

Submitted by साधना on 15 December, 2024 - 23:32

Pages