Submitted by ---पुलकित--- on 9 February, 2024 - 07:17
हिमवस्त्राची तलम पैठणी
लेवुनि अवनी मृदुल हसे
शीतल निर्मल शुभ्र धरा ही
शिशिराज्ञी जणु मज भासे
हिमगौरीच्या आगमनास्तव
वनचर उल्हासित झाले
चिंब नाहले तनामनासव
आशीर्वादच रिमझिमले
रोपटी अल्लड, क्षण-क्षण गाती
वायूसंगे रुणूझूणू
वृक्ष थोर ते, कण-कण जपती
सुखदुःखाचे अणुरेणू
अगा मानवा पाहि जरासे
वास्तवात उघडुनि चक्षू
तापमान जर वाढत गेले
भविष्यात होशिल भिक्षू
शब्दखुणा:
Groups audience:
Group content visibility:
Use group defaults
शेअर करा
खूप छान नादमय कविता आहे. साधी
खूप छान नादमय कविता आहे. साधी सोपी आणि सुंदर.
आगमनात्सव >> आगमनास्तव
खूप छान !
खूप छान !
सुंदर कविता!
सुंदर कविता!
छान.
छान.
हिमगौरीचा आगमनोत्सव
किंवा
हिमगौरीच्या आगमनास्तव.
धन्यवाद हरचंदजी, सामोजी.
धन्यवाद हरचंदजी, सामोजी.
चुकीची दुरुस्ती केली. _/\_
धन्यवाद कुमार१, पृथ्वीकर. _/\
धन्यवाद कुमार१, पृथ्वीकर. _/\_
आवडलीच
आवडलीच