सहकारनगर, पुणे गटग

आणि..
तेजो यांनी सप्रेम भेट दिलेले स्वादिष्ट मुखवास चूर्ण हे कसे विसरता येईल ?

कोथिंबिरीची वडी कोणाची होती ते विसरलो, पण खूप चविष्ट होती !!

आणि बिपीन यांचा केशरी पेढा तर काय एकदम मधुरच ..

अरे वा वा मस्तच झालेलं दिसतंय गटग.मी पण अतुल आणि हार्पेन ना ओळखलं.

अच्छा डॉ. कुमार.

कोथिंबिरीची वडी पण तेजो नी आणली होती.
गटग छानच झाले

च्यामारी तेजो.. अनुल्लेखाने मारले मला

खूप खूप मस्त झाले गटग.
धावपळ करत आजारी लेकाला घेऊन उशीरा पोचले. आणि इट वॉज वर्थ इट !!

अ तुल, हर्पेन आणि दक्षिणा, बिपीन सांगळे यांना ओळखता आले. डॉ. कुमार यांनी सांगितले म्हणून निळे जर्किन, टोपी पाहिले. पण हरपेन यांचे ही निळे जर्किन आहे. स्वेटरवाले डॉक्टर आहेत बहुधा.
नाईकी टी शर्ट function at() { [native code] }अरंगी कि पाशुपत ?

जे ओळखू आले नाहीत त्यांची क्षमा मागतो. त्यांनी स्वतःच खुलासा केल्यास छान.

मस्त आलाय photo..
खाऊ साठी तरी gtg miss करायला नको हे समजले

स्वेटरवाले पशुपत
कुमार१ :
मोरपंखी निळे जर्किन व चश्मावाला
( बिपीन सांगळे यांच्या शेजारी).

दक्षिणा तेजो आणि पियू कोणत्या हेही सांगा

अंदाज:
नाईकी- अतरंगी, सगळ्यात उजवीकडे पशुपत.

नाईकी- अतरंगी, सगळ्यात उजवीकडे पशुपत.
होय.

पशुपत, बोलका चेहरा आहे.
मालिकांमधून कामे करायला लागा बघू.

काळे जर्किन : पियू
ऑरेंज टीशर्ट : दक्षिणा
गुलाबी ड्रेस : तेजो

अरे वाह छान झाला गटग.. आणि खरेच झालाही
फोटोत पुरुष मंडळी पुढे आणि बायका मागे हे फार आवडले.

आणि उरलेल्या सगळ्या अश्विनी.

अरे वाह छान झाले gtg
अतुल, harpen ह्यांना कधी भेटलो नाहीये अजून पण ओळखले.
दक्षिणाला भेटलोय त्यामुळे साहजिकच ओळखतो.
बाकीचे कोण ते आता वाचून लक्षात येईल.

@पियू>>>(उशिरा आलेल्यांसाठी आधी आलेले त्यांच्या साठी थांबून राहिले.) हा टोमणा वाचला नाहीस का?(ह घे)

मस्तच....

उरलेल्या सगळ्या अश्विनी.
>>> मायबोलीवरील अश्विनींची एकूण संख्या अचूक मोजून दाखवा ही स्पर्धा ठेवलेली आहे

अरे वाह, मस्त झालं गटग. अजून डिटेल वृत्तांत येऊ द्या. तेवढीच दुधाची तहान ताकावर भागावता येईल.

सविस्तर वृत्तांत……

हर्पेन व अतुल यांनी गटग करायचा विषय काढल्यावरच मी ठरवलं होतं की या गटगला नक्की जायचं.

सकाळी सकाळी ६.३०ला घरातून निघालो आणि शंभर दिडशे मीटर गेलो नाही तर हर्पेन दादा पळत पळत क्रॅास झाला. हायला हा ईकडे कुठे म्हणून गाडी थांबवे पर्यंत तो पुढे निघून पण गेला. हा आता रनिंग करून घरी जाऊन गटगला साडेसातला कसा पोचणार का कल्टी देणार हा विचार डोक्यात आला. मग म्हणलं अरे हा माबोचा आयर्न मॅन तिकडे असाच पळत पळत पोचायचा तर विचार करत नसेल ना? त्याला काय अशक्य आहे म्हणा…. त्याच्या फोटोज वरून लक्षात आलेच असेल की तो तसाच पळत पळत तिथे पर्यंत पोचला.

माझी कामं उरकून पार्किंग शोधून मला तळजाईला पोचायला ७.५० झाले. मंदिरात चक्कर मारून आलो तर कोणी दिसले नाही. अतुल यांना कॅाल केला तर त्यांनी ऊचलला नाही.( याबद्दल त्यांचा णिशेध!!!!)

मी पोचलो तो पर्यंत हर्पेन, अतुल, तेजो, २ अश्विनी आलेले होते. माबोकरांच्या दणदणीत आवाजाची सवय असलेल्या मला ही शांतपणे गप्पा मारत बसलेली मंडळी नविनच वाटत होती. मंदिराचा किंवा भल्या पहाटे साडेसात वाजता भेटल्याचा परिणाम असावा.
हर्पेनने सगळ्यांसाठी गिफ्ट आणली होती. तेजोने पण घरी बनवलेला मुखवास सर्वांसाठी आणला होता. तिला “ नुस्ताच मुखवास? जेवण झाल्यावर खायचा असतो ना हा?” असं म्हणल्यावर तिने पर्समधून कोथिंबीरीच्या छान कुरकुरीत वड्यांचा डबा काढून हातात दिला. चहा पिताना मी त्या सगळ्या संपवून टाकल्या. बिपिन यांनी आणलेली मिठाई पण छान होती.

बऱ्याच माबोकरांना पहिल्यांदाच भेटलो. निवांत गप्पा झाल्या. बिपिन यांनी मस्त कवित सादर केली. दक्षिणा यांची अनपेक्षित, योगायोगाने भेट झाली.

छोटेखानी, पटकन ठरलेले व जमलेले गटग मस्त रिफ्रेशिंग झालं. सर्वांना भेटून अतिशय आनंद झाला……

वृतांत छान लिहिलेत दोन्ही
असे gtg वरचेवर झाले पाहिजेत

सर्वांचे वृत्तान्त मस्तच !!! सर्व प्रथम गटग चा धागा काढण्यापासून वेळोवेळी अपडेट देऊन गटगचे संयोजन करणाऱ्या अतुल यांचे आभार !!!
सर्व जुने , नवीन, अभ्यासू लिखाण करणारे , वाचनमात्र असणारे , कधी कधी प्रतिसादातून लिहिते होणारे , मायबोलीचे आयर्नमॅन या सर्व लोकांना भेटून आनंद झाला . दक्षिणा यांची भेट मी लवकर गेल्यामुळे झाली नाही .
तेजो यांनी आणलेली कोथिंबीर वडी , मुखवास , बिपिन यांनी आणलेली मिठाई , हर्पेन यांनी दिलेली स्कार्फ भेट आवडली.
असेच मधून गटग आयोजित करून सर्वांना भेटायला आवडेल.

वरच्या एका फोटोत माझा एक हात दिसत नाहीए.

फोटो काढताना अगदी रिफ्लेक्सने हातात बाटली आहे तर ती लपवली. मग नंतर लक्षात आलं की अरे फक्त पाणीच
तर आहे त्यात.

फोटो काढताना नेहमी आधी बाटली लपवायची सवय अजून सुटली नाही…..

gtg छानच झालेलं दिसतंय!
कुमार१ ह्यांना पाच वर्षांपुर्वी, बहुतेक ह्याच तारखेला (चु.भु.द्या.घ्या.) पहिल्यांदा आणि गेल्या वर्षी ह्याच तळजाई परिसरात दुसऱ्यांदा भेटलो असल्याने त्यांना आणि बिपिनरावांना ह्याआधी फोटोत पाहिले असल्याने दोघांना ओळखता आले.

वेळ आणि स्थळ दोन्ही सोयीस्कर नसल्याने इच्छा असुनही आजच्या gtg ला उपस्थीत रहाता आले नाही ह्याची वाटलेली खंत अतरंगी ह्यांच्या प्रतिसादातील "तिने पर्समधून कोथिंबीरीच्या छान कुरकुरीत वड्यांचा डबा काढून हातात दिला." हे वाक्य वाचल्यावर शतपटीने वाढली! फार आवडता पदार्थ खाण्याची संधी हुकली

संजय
पुन्हा कधीही या हो पुण्यात !
देऊ ना तुम्हाला खायला त्या वड्या

खाऊ साठी gtg worth आहे. जायलाच पाहिजे..

मी लिहिला होता का असा प्रतिसाद? Type केल्यासारखं वाटत आहे.
खाऊ बद्दल वर्णन करून न आलेल्याना जळवू असं ठरलं असेल नक्कीच

अजून एक
या निमित्ताने माबोच्या निव्वळ वाचकांना देखील भेटता आले. त्याचा आनंद वेगळाच असतो.

वरच्या एका फोटोत माझा एक हात दिसत नाहीए >> म्हणजे या फोटोमागे तुमचा हात आहे