लेखन उपक्रम २ - भूतकाळ - अमितव

प्रतिसाद देणार्‍या सगळ्यांचे आभार.
यात इंजिनिअरिंग जास्त आणि कला कमी वाटत असतानाच, लिहायला सुरुवात केल्यावर मनावर शब्दांची ताकद अधोरेखित होत गेली. आधी जवळ जवळ दीडपट शब्द लिहिले होते. ते कमी करताना अर्थाचा कंगोरा कमी न होता वाढलाच. ते बघताना मजा आली.

उदा. >>खोल दरीत जरावेळासाठी शांतता पसरली. >> इथे नक्की काय झालं ते आधी नीट उलगडणार होतो. पण मग ते फार सपक आणि अगदीच सपाट वाटू लागलं. परत शब्दही जास्त होऊ लागले. शब्द जपून वापरण्यात शब्दांचे कंगोरे दिसू लागले, डीटेल्स वाचकांवर सोडून देणे इ. तंत्रे जी सिनेमात वापरतात आणि तसा सिनेमा बघताना आवडतात ती सुद्धा थोडी फार का होईना वापरता आली.

मला वाटतं कविता का आवडते, ती का सहजच वाचकाची होते यात तोलुन मापून वापरलेले शब्द हे ही एक कारण असावं. त्यामानाने गद्य खूप जास्त लिहिलेलं असल्याने बर्‍याचदा विचार करायला जास्त जागाच नसल्याने एकाच मितीत दिसत रहातं. कविता रिलेट होण्यामागे कदाचित या शब्द जपून वापरण्याचा ही हात असावा का?