उपक्रम २- एकारंभा अनंतार्था - ती, तो आणि माबो- अस्मिता.

बाकीचे अजून आले नव्हते. गाडी यायला तसा वेळच होता. तेवढ्यात त्याचे लक्ष तिच्याकडे गेले.....

ही तीच आहे नं, जी दहावीत असताना आपल्या शुद्धलेखनाच्या चुका काढायची. आता मायबोलीवर लिहिते म्हणे. बोलू का हिला का इथेही 'वाचनमात्र' राहू.

ती: राघव ना तू ? अरे, मी अरण्या.
तो: कशी आहेस.
ती: तशीच, मला काय धाड भरलीये.
तो: अजूनही शुलेच्या चुका काढतेस ना.
ती: आता फक्त आवंढा गिळते रे.
तो: तू माबोवर खूप प्रसिद्ध आहेस म्हणे, माझ्या कवितेला मात्र दोन प्रतिसाद आलेत.
ती: काही नाही रे.... लिहित रहा, येतील कमेंट्स.
तो: तुझे १७६० चाहते आहेत म्हणे..
ती : तुझेही होतील रे , तुझा काय कोतबो झालाय का..
तो: माझे सहा चाहते आहेत, त्यापैकी चार तर माझेच ड्यूआय आहेत.
ती: चिल यार, एवढं काय त्यात. माबोवर प्रसिद्ध होणं म्हणजे व्यापारच्या खेळात श्रीमंत होण्यासारखं आहे. चल, गाडी येईपर्यंत दोन-दोन प्लेट रगडा पॅटीस खाऊ.
आनंदाने जातात...

-अस्मिता