पावसाळी चारोळी, पाचोळी..

मित्रहो ह्यांनी लिहिलेला मी पाऊस आणि कविता हा लेख वाचला.
पूर्वी मंगेश पाडगावकर लिज्जत पापडची जाहिरात म्हणून पावसाळ्यात एक. कविता करायचे ( ऐकून आहे, मी स्वतः कधी पाहिली / वाचली नाही ये, चुकीचं असेल तर कृपया सांगा)

पावसाळ्यात कुत्र्याच्या छत्र्या उगवतात तद्वतच पावसाळी हवेत कवी नवकविना ही धुमारे फुटतात. आता त्याच्या साहित्यिक दर्जा वगैरे विषयी टीका न करता त्यांना त्या मोकळे पणाने इतरांबरोबर शेअर करता याव्या यासाठी हा धागा.
आम्ही कॉलेज मध्ये असताना चंगो ( चंद्रशेखर गोखले) ह्यांच्या चारोळ्या फार लोकप्रिय झाल्या होत्या, मग नंतर बऱ्याच लोकांनी केल्या असाव्यात. त्या वयात त्या फारच भारी वाटलेल्या. मग नंतर परत कधी त्याकडे विशेष लक्ष गेलं नाही.

पावसाळी चारोळी, पाचोळी, आठोळी... छोट्या हलक्या फुलक्या कविता तुमच्या किंवा तुम्हाला इतरांच्या आवडलेल्या इथे लिहा आणि धागा वाहता ठेवा.