जाळले तर ......

Submitted by किरण कुमार on 25 July, 2023 - 03:11

छान असते सूत्र साधे पाळले तर
बोलताना शब्द जहरी टाळले तर

का गुलाबी रंग दिसतो त्या वहीचा
शेवटाचे पान जर तू चाळले तर

फार मोठे शल्य नाही या जगी बघ
जीवनाला चांदण्यांनी माळले तर

ने फुलांना आज वेड्या तू विकाया
मोल नाही रोपटे हे वाळले तर

मोगऱ्याचा हा तिढा सुटणार बहुधा
प्रेत माझे चंदनावर जाळले तर

- किरण कुमार

विषय: 
काव्यलेखन
Groups audience: 
गुलमोहर - गझल
Group content visibility: 
Use group defaults
शेअर करा

छानच!!

फार मोठे शल्य नाही या जगी बघ
जीवनाला चांदण्यांनी माळले तर

Submitted by A M I T on 25 July, 2023 - 23:24