Submitted by किरण कुमार on 25 July, 2023 - 03:11
छान असते सूत्र साधे पाळले तर
बोलताना शब्द जहरी टाळले तर
का गुलाबी रंग दिसतो त्या वहीचा
शेवटाचे पान जर तू चाळले तर
फार मोठे शल्य नाही या जगी बघ
जीवनाला चांदण्यांनी माळले तर
ने फुलांना आज वेड्या तू विकाया
मोल नाही रोपटे हे वाळले तर
मोगऱ्याचा हा तिढा सुटणार बहुधा
प्रेत माझे चंदनावर जाळले तर
- किरण कुमार
विषय:
Groups audience:
Group content visibility:
Use group defaults
शेअर करा
छानच!!
छानच!!
फार मोठे शल्य नाही या जगी बघ
जीवनाला चांदण्यांनी माळले तर
सहज सुंदर सगळे शेर आवडले
सहज सुंदर
सगळे शेर आवडले
छानच!
छानच!
धन्यवाद ...../\.......
धन्यवाद ...../\.......
खूप छान, बंधु!
खूप छान, बंधु!
मतला खूप आवडला!!