इन्स्टा गर्ल परी - रील्स आणि शॉर्ट विडिओ :-)

थोडं पाहीलं. खुप मस्त!!! सबस्क्राइब्ड!

बघेनच.
अजून एक मदत चर्चा स्वरूपात झाली तर आवडेल. तर अशा कमी वयातील मुलामुलींचे विडिओ ब्लॉग आहेत का ते शोधून विचार करायला हवा.
'मोटो व्हिडिओ लॉग' म्हणजे मोटोबाईकवर प्रवास आणि त्याचे विडिओ या प्रकारात पर्यटन म्हणून
यूट्यूबवर विडिओ पाहत असताना एका मुलीचा दिसला. बिनधास्त काव्या. तिचे स्कूटीवर ब्लॉग बनवले होते तेव्हा तेरा वयाची होती. मग प्रतिक्रिया आल्यावर ते मोटोलॉग बहुतेक काढले. पण इतर जोरात आहेत.
दुसरा एक गाजलेला चानेल LOL. भारती सिंग आणि नवरा लिंबाचिया हे आता त्यांच्या लहान मुलाचे गोलूचे विडिओ टाकून एका दिवसात लाखभर व्ह्यू सुद्धा मिळतात.
तर हे आणि इतर काही यूट्यूब विडिओ पाहून एकंदर कल्पना येईल काय करावे किंवा करू नये. पुढची पिढी वेगवान डिजिटल वातावरणात वाढणारी आहे. किती स्पीडब्रेकर लावणार?
महिन्यात एक/दोन किंवा वर्षभरात किती विडिओ करायचे ही पालकांनी मर्यादा ठेवणेही गरजेचं आहे.

मी विडिओ बघितले. पण त्यावर मत देता येणार नाही कारण वयातला फरक. मुलीच्या समवयस्कांना कसे वाटते हे ठरेल.
विडिओ सादर करणाऱ्यांचे वय त्यांच्या बोलण्यातून व्यक्त होणे महत्वाचे आहे. आवड, निवड, विचारही.
पालक म्हणून विचार करावासा वाटला हे आवडले.

परीचे व्हिडीओ छान आहेत. अजून तरी इनोसंट आहेत.

Insta वर मी दोन लहान मुलींचे व्हिडीओ नेहमी बघते. Iamcutekeya आणि दुसरी शिवांजली पोरजे.
केयाचे expression faar गोड असतात. मला ती आवडते पण सध्या ती सासू सून कंटेंट करते आहे त्यामुळे हिला नेमकं काय कळतंय असं वाटत रहातं.
परवा तिला एका चष्माच्या दुकानात पाहिलं. मुलगी अजूनही गोड आणि इनोसंट आहे पण आई वडिलांच्या डोक्यात जरा हवा गेल्यासारखी वाटली.

शिवांजली फार सुंदर expression देते पण जे करते आहे ते तिच्या व्हायला अजिबात शोभत नाही. शिवाय इतके रिल्स असतात तिचे की दिवस भर हेच विचार असतील का डोक्यात का अभ्यास वगैरे पण करत असेल असं वाटतं.
एकदम इनोसन्स हरवून गेल्या सारखं वाटतंय तिला बघून. पण टॅलेंटेड आहे नक्की.

मुलीचे वय नऊ वर्ष हे फार लहान आहे सोशल मिडीआ साठी. तुमची मुलगी क्रिएटिव आहे तरी ती शेवटी एक लहान मुलगी आहे त्यामुळे तिच्या क्रिएटिविटीला वाव देण्यासाठी दुसरे काही माध्यम शोधलेत तर उत्तम. स्वतःसाठी काय योग्य हे निवडायचे तिचे वयही नाहीये त्यामुळे तिच्यासाठी योग्य माध्यम शोधणे ही जबाबदारी तुमची.
इंस्टासाठी वय १३ पूर्ण हवे असे आहे मात्र माझ्यामते १५ पर्यंत थांबावे. इंस्टा आणि तत्सम सोशल मेडीआ यांचे जे अल्गोरिदम्स आहेत त्याचे स्वरुपच असे आहे की युझर अधिकाधिक गुंतत जावा. सोशल मेडीआ कायम आपल्यासोबत असणारच आहे मात्र तुमच्या मुलीचे हे निरागस वय परत येणार नाहीये. तुमची मुलगी अजून टिनएजरही नाहीये. तिचा मेंदू अजून डेवलप होतोय, तो मोठ्या माणसासारखा चालत नाही, मुलगी टिनेजर होईल तो काळ तर मेंदूच्या योग्य वाढीसाठी अजूनच महत्वाचा असेल. 'सोशल मेडीआची क्लिनीकल डिपेडन्सी' चा धोका या वयोगटासाठी फार मोठा आहे. जोडीला सोशल मेडीआच्या वापरातून होणारे डेटा कलेक्शन, प्रायवसी जाणे, विशिष्ठ हेतूने तयार केलेला कंटेंट सातत्याने मुलांसमोर येत रहाणे वगैरे धोके आहेतच.
सोशल मेडीआ हे फ्री टुल आहे, वापरायला सोपे आहे मात्र त्यामागे टेक कंपन्या आहेत, ज्या फायद्यासाठी चालवल्या जातात. थोडक्यात तुम्हाला जे फ्री टुल वाटते त्याची किंमत तुमच्याकडून शेवटी वेगळ्या स्वरुपात वसूल केली जाते. त्यामुळे या फ्री टुलचा वापर टाळून तुमच्या मुलीच्या क्रिएटिवीटीला वाव कसा देता येईल याचा विचार करा. थोडे कष्ट पडतील, कदाचित झटपट प्रसिद्धी, वाहवा नसेल पण तिच्या वयाला साजेसे, तिच्यातल्या कलागुणांचा आलेख सातत्याने चढता होत जाईल असे काहीतरी निवडा.

स्वाती२ यांच्या संपूर्ण प्रतिसादाशी सहमत. मुलगी 9 वर्षांची म्हणजे इंस्टाग्राम च्या वयोमर्यादेतही बसत नाही. तिच्या creativity साठी ईतर कुठले माध्यम निवडावे असा अभिषेक तुम्हाला कळकळीचा सल्ला. पुढे जावून अनेक चांगले वाईट परिणाम होऊ शकतात व एका विशिष्ट वयानंतर parental control देखील फारसा राहू शकत नाही.
मुलीला उज्जल भविष्यासाठी अनेक शुभेच्छा.

मला व्हिडीओ मध्ये निरागसता दिसायला हवी असं म्हणायचं नव्हतं. स्वाती ताई म्हणते आहे तेच म्हणायचं होतं.

खूप शुभेच्छा....
खूप टॅलेंट आहे तुमच्या कन्येकडे...

माफ करा, 9 हे खूप लहान वय आहे सोशल मीडिया च्या चिखलाला एक्सपोझ करायला.निव्वळ पैसे चोरी/मुलींना धोका असणारे समाज कंटक या फार टोकाच्या गोष्टी झाल्या.पण 9 वर्षाच्या मुलावर सोशल मीडिया मधल्या प्रसिद्धी सॅव्ही पणाचा, बाह्य रूपावर कमेंट्स करण्याच्या प्रवृत्तीचा मनावर थोडा वेगळा प्रभाव, परिणाम असू शकतो.मुख्य म्हणजे वजन/रंग/फिगर अश्या कश्यावरूनही होऊ शकणाऱ्या शेमिंग ची शक्यता.

रिल्स गोड आहेतच. पण एकंदर काळजी घ्या.तुम्ही घेत असालच. परी ला शुभेच्छा.
(हे आपलं उगीच वात्रटपणा पूर्ण रिल्स पाहिल्यावर: वाघाकडून त्याच्या न्यूड व्हिडीओ चा कंसेंट घेतलाय का? )

परीचे रील्स आवडले. 9 हे फार लहान वय आहे पण यापेक्षा लहान मुलांना रील्स करताना बघितलय.
आईवडिलांच्या रील्स मध्ये मुलं असणं वेगळं पण आईवडील आपल्या रील्समध्ये मुलांकडून काम करून घेतात ते पटत नाही.
माझ्या एका कलिगची मुलगी परीएवढीच असेल , गेली 2वर्षे स्वतः च इन्स्टा चँनल आहे. एक्टिंग भारी करते चिमुरडी पण मेकप करून , स्वतः च्या वयाच्या मानाने मोठ्या विषयावर ,भारी expressions देत रील्स करते ते खटकतं.
हल्ली काही 9-10 वर्षाची मुलं , प्रेमप्रकरण , ब्रेकप , प्रपोज इ विषयावर रील्स बनवतात हे बघून अचंबित व्हायला होतं.
मला स्वतःला राज ग्रोवरचे रील्स आवडतात. आता तो टीनेजर आहे पण त्याचे विषय शाळकरी मुलांच्या जगातले असायचे.
बाकी परी हुशार आहे , अंगात नाना कला आहेत , सोबतीला भाऊ आहे. Voiceoverवाले फिल्मी videos बनवण्यापेक्षा , काही creative , informative , fun videos बनवता येतील का ते बघ.
All the best.

परी गोड आहे आणि व्हिडिओही छान आहेत. पण स्वाती२ यांच्या प्रतिसादाशी सहमत.
योगायोगाने आजच 'हिंदू'मध्ये लहान मुलं आणि सोशल मिडिया यावर लेख वाचला. पण लिंक देता येत नाही, नाही तर दिली असती! सोशल मिडियाचं Addiction एक झालं, पण सतत इतरांबरोबर तुलना करण्याची सवय, त्यातून नकळत एक सतत 'परफॉर्म' करत राहण्याचा दबाव निर्माण होणं, मागे पडण्याची भीती, नैराश्य येणं अशी साखळी निर्माण होऊ शकते.

ऋन्मेषने टाकलेले व्हिडीओज पाहिलेले नाहीत त्यामुळे त्यावर नो कमेंट्स. पण मलाही स्वातीसारखंच वाटतं. लहान मुलांना इतक्या लहान वयात ह्या इन्स्टाशी वगैरे ओळख करुन देऊ नये. आधी रील, व्हिडीओज टाकणंआणि मग व्ह्युज, कमेंट्सकरता आणखीन कंटेंटचा आटापिटा हे दुष्टचक्र आहे.

>> केयाचे expression faar गोड असतात. मला ती आवडते पण सध्या ती सासू सून कंटेंट करते आहे त्यामुळे हिला नेमकं काय कळतंय असं वाटत रहातं.>> ह्या केयाची रिल्स मी ही पाहिली आहेत आणि तिला सासू सून वगैरे कुचकट पॉलिटिक्समध्ये तिला आतापासून का ट्रेन करतायत हे मला कळत नाही. तिचं वय काय आणि बोलते काय असा प्रश्न पडतो.

सायो, exactly!
मागे एकदा तिच्या एका व्हिडीओ वर मी ही कमेंट पण दिलेली.

सायो ++१

हेहे, हे भारी आहे.ते लोक तर फारच पुढे गेलेत.

Subscribed.
गोड आहे परी.

वेळ आहे तोवर सुधरा.

अनुभवांना जास्त अर्थ अस्तो हे लक्षात घ्या. लवकरच मानवी (जैविक) काय आहे आणि सिंथेटिक काय आहे हा फरक मानवी अस्तित्त्वासाठी फार फारमहत्तत्वाचा ठरणार आहे. कदाचित तुम्हाला आता त्याचे महत्त्व समजणार नाही, पण तुम्ही कोणत्या बाजूला आहात हे तुम्च्या मुलांसाठी खूप खूप मह्त्वाचे आहे.

OMG it is a private account.

Views and Followers वाढविण्याचे धंदे

मला वाटते मोप टॅलेंट असले तरी ही इन्स्टा शी ओळख करून देण्याचे हे वय नक्कीच नाही. ती इतकी लहान आहे गोड आहे, तिला इतके सोमि मधे फेमस करायचीही गरज नाही.. सर्वांची नजर निकोप निर्मळ नसते!
सतत काय कंटेंट करावे, जास्त लाईक्स केव्हा मिळतात हे नकळत प्रेशर. हीट झाली तर कदाचित गर्व, ज्या मुलं मुली रील्स करत नाहित ते तुच्छ वगैरे भावना येणे अगदीच अशक्य नाही.
हळू हळू लहानपण विसरून १ सेलिब्रिटी वलय येत जाईल, मग अमुक मैत्रिणी चे सबस्क्रायबर का जास्त आपले का कमी वगैरे मधून उगा लहान वयात असूया वगैरे भावना येत जातात. फार फेच्ड वाटले तर सोडून द्या पण मला ही सेम वयाची मुलगी आहे, तिला ही युट्युब विडीओज करायचे होते ज्याची परवानगी मी दिली नाही तिने मा‍झ्या फोन वर गंमती दार विड बनवले जे आम्ही क्लोज नातेवाईकांना दाखवले आणि शाबासकी मिळून दिली.. अर्थात हा माझा मधला पर्याय झाला. ज्याचा त्याचा ज्याने त्याने योग्य पर्याय शोधून काढावा
तुम्ही समजून घ्याल वगैरे अपेक्षा नाही, पण लिहावेसे वाटते ते लिहिले.

केया नावाच्या मुलीचे व्हिडियो, तर ती म्हणजे तिचे पालक इथे नसताना असे स्पेसिफिक नाव घेऊन तिची चर्चा होऊ नये असे वाटते.
>>>
This is exactly we don't want to happen with Pari and that is why people are saying it's not right age to give this platform..

Once you go public, You dont have control on what and who says about you..