अरेंज मॅरेज, अजुन एक किस्सा - ताटातलं वाटीत.. !

“ पण ज्यांना b &b शेअर करायचीय त्यांच्यात १००% पारदर्शकता आहे.” - खोटं बोलण्याविषयी पारदर्शकता आहे. तरिही ह्या नात्याचा आधार फसवणूकीचाच आहे जे मला नाही पटू शकत.

चांगला किस्सा व चर्चा.

जे लोकं पारदर्शकता , खोटं बोलणं गैर , खरे पणावर सहजीवनाचा पाया वगैरे argue करतायत त्यानी स्वतःला एकदा विचारून पहा मनाशी आपण किती हरिश्चंद्र आहोत ते , आणि आपण मनात आपली स्वतःची अशी किती सिक्रेट ठेवली आहेत ते ही तपासून बघा .
हा मुलगा आपल्यासाठी एवढं करायला तयार आहे ही एकच गोष्ट ती त्याच्या प्रेमात पडायला मला वाटत पुरेशी आहे.

मी_अनु, ऋन्मेश, स्वाती, मै, फेफ सगळ्यांशी सहमत.
कुठल्याही अंगाने हे वागणे व्हाईट वॉश होऊ नये.
कथाबीज उचलून कथा म्हणून लिहिला असेल तर वर उल्लेखलेले अनेक कमजोर दुवे आहेत. टॉक्सिक बिहेवियरला शरकरावगुंठीत केलेली कथा भावली नाही.

सिक्रेट ठेवणं आणि क्रिमिनल ऑफेंस याची तुलना का करतोय?
सहजीवनाचा पाया खरेपणा नाही, सिक लिव्ह सिक् नसताना घेतली, आणि पोरांशी खोटं बोललो याची तुलना हुंडा आणि मिसाजनिस्ट वागणे याच्याशी? जीवनात काही लक्षणरेषा न ओलांडायला असतात आणि काही तळ्यात मळ्यात करायच्या असतात. त्यातील हुंडा ही कथेतही व्हाईटवॉश न करण्याची गोष्ट आहे. बाकी सीक लिव्ह इ. तुलना करून हुंड्यासारखा नराधम कॅटेगरी गुन्हा ट्रीव्हीअलाईज करू नका.

त्या त्या भागातल्या जीवनाची कल्पना आल्याशिवाय कुणाला काय म्हणायचंय हे समजणार नाही या नोटवर थांबतो.
आता सुरूवात कुठून झाली हेच लक्षात नाही.
बहुधा मित्राच्या बाबत असे झाले आहे , ग्रामीण भाग असा उल्लेख आलेला आहे. तर त्या मुलीला जो मुलगा मिळाला त्याच्याशी तिने लग्न केलं नसतं तर हुंडा द्यावा लागेल असाच मुलगा पदरात पडण्याची शक्यता जास्त होती.

ते सगळं ठीक आहे,
प ण
<< भरगच्चं नोटांनी भरलेलं वरदक्षिणेच पाकीट बघून लाळ टपकत होते. >>
हे वाचून धोक्याची घंटा वाजू लागली आहे माझ्या मनात.
(टीप: त्या मुलीच्या जागी माझी मुलगी असती तर, अशी कल्पना करून दिलेला प्रतिसाद आहे.)

तै, तुमचा वरील प्रतिसाद चुकीच्या धाग्यावर आला आहे का?
जाता जाता: माझ्या माहितीनुसार प्लॅस्टिकची दोरी, वाळवी कुरतडत नाही.

हुंडा कुठल्याही प्रकारे / स्वरुपात मागणे / घेणे हे सर्वस्वी चुकच आहे. पण चर्चा वाचून काही प्रश्न पडले ते असे की -
जी मंडळी हुंडा विषयी एवढी चीरफाड़ करत त्रागा करत बोलून फक्त एका पार्टीला दूषण देत आहेत त्यांनी स्वताच्या/ जवळच्या नातेवाईक मुलीच्या लग्नात नक्की काय स्टैंड घेतला, प्रतिपक्षाची मागणी सपशेल नाकारली भले लग्नाची चाळीशी उलटली तरी चालेल असे तत्व निष्ठपणे म्हणत / की जी मागणी (हुंडा) ठरण्याच्या बैठकी झाल्या त्यात फक्त घासाघीस केली आणि अंशतः हुंडा ( गिफ्ट्स म्हटले म्हणजे अर्थ बदलत नाहीच) दिलाच. आणि तो द्यावाच लागला म्हणून त्यावेळचा राग सर्वजण पंचिंग बैग सारखे ह्या कथाबिज/ धाग्यावर काढून त्याकाळी झालेली मनाची असहाय्य तड़फड़ कठोर प्रतिसादातून काही अंशाने शांत करण्याचा सांसदीय मार्ग आचरणात आणला जातोय !!

.

इथल्या व्हाईट लाईज आणि क्रिमिनल ऑफेन्स मतांशी सहमत. गोष्ट आहे हे बरोबर , पण अशाच हळव्या, क्युट गोष्टी वाचून काही मूर्ख मुली , मुलं प्रेमात वगैरे पडू शकतात आणि हवेत तरंगतात. त्यामुळे अशा गोड गोष्टीच्या खाली अशा घमासान चर्चा पाहीजेतच.

वर जो कोणी स्वतः काय कराल विचारले आहे यावर मी माझा अनुभव देउ शकते. माझ्या आई वडिलांचं इंटरकास्ट लवमॅरेज. यामुळे माझ्यासाठी 5 वर्षे स्थळ बघत होते, जातीमुळे प्रचंड प्रॉब्लेम आला होता.

त्यावेळी जर अशी भरपूर दक्षिणा देण्याची तयारी दाखवली असती तर मला पाच वर्षे वाट बघावी लागली नसती. हे बोलणी अर्थातच सटली होतात, कोणी तुम्ही हुंडा घेणार का, आम्ही देणार नाहीये बरं का, असं म्हणत नाही. पण मेसेज दोन्ही पार्टी पर्यंत बरोबर पोचतो.

अजून एका स्थळ म्हणून वरवर छान वाटणाऱ्या मुलाने काही प्रथा, पद्धती घरासाठी , आई वडिलांसाठी, मोठ्या माणसांची मनं दुखवू नये म्हणून पाळाव्या लागतील असे सांगितले होते. काय ते इथे लिहीत बसत नाही, क्रिमिनल गोष्टी नव्हत्या, पण तरीही ते करताना मला त्रास झाला असता,

वर माझं ते मत नाही, पण त्यांच्यासाठी काही दिवस एडजस्टमेंट कर, नंतर हळूहळू तुझ्या हातात येईल सगळं मग तूच बंद कर वगैरे सांगितले होते.
पण या कुटुंबाबरोबर, माणसाबरोबर मी काहीही वेळ घालवला नसल्याने , त्याचा अंदाज, त्याचा शब्द वगैरेवर विश्वास ठेवावा लागला असता. वर कोणी म्हटलंय तसं आता पासून एकाला एक दुसऱ्याला वेगळं सांगून ते निभावण्याची याची तयारी दिसत होती. मी त्या मुलाला नाही म्हणून सांगितलं.
गोष्टीतल्या या मुलीला तिच्या व्हॅल्यूज आणि भारताचा कायदा धाब्यावर बसवावा लागत आहे. प्रेमात पडताना ह्या पॉसिटीव्ह नाही तर रेड फ्लॅग आहेत.

छन्दीफंदी, तुम्ही ही चर्चा पर्सनली घेऊ नका. पण अशा अयोग्य गोष्टींना भाळून निर्णय घेणाऱ्या मुली, आई वडील अजून असतात, त्यांच्यासाठी ही चर्चा.

तुम्हाला खरंच कळत नाहीये लोकांचा आक्षेप नक्की कशावर आहे ते???

ओके. संत्र सोलतो. हुंडा घेतला जात होता, आजही घेतला जातो, आजही त्यावरून मुलीचे जीव जातात, त्यांना शारीरिक मानसिक इ. इ. त्रास होतो. त्यावर इथल्या एकाही व्यक्तीचे दुमत नाही. हे असं होत हे अर्थातच सगळ्यांना माहीत आहे. तुम्ही इथे कथा लिहिली आहे (ती चुकून विनोदी लेखात आहे तो विभाग आधी बदला... तर ते असो..) त्यावर चर्चा चालू आहे.
त्या कथेत सरळ सरळ हुंड्याचे शरकरावगुंठण झालेले आहे. व्हाईट वॉश केलेला नाही तुम्हाला वाटत असेल तर तुम्ही खरंच कथा परत एकदा वाचा आणि काही शब्द बदलून ते होणार नाही याकडे बघा. इतक्या लोकांना तसे वाटले तर त्यात तथ्य असावे हा दृष्टीकोन ठेवून वाचा.

कुठलीही चांगली सोशल पार्श्वभूमीवर लिहिलेली कथा काळाच्या एक पाऊल पुढे गेली नाही तरी दोन पावलं मागे तरी येऊ नये असं मला मनापासून वाटतं. इथवर आपण केलेली प्रगती सोपी न्हवती, रूढी परंपरा इ. वर तुम्ही कथा लिहिताय ते चांगलंच आहे पण वर पिनी म्हणताहेत त्यावर खरंच विचार करा. कथेत हुंडा इ. तुम्ही लिहिलेलं लिहून थोडा शेवट टेलर केलात तर बघा काही आयाम देता आला तर. याचा अर्थ यावर कथा लिहुच नये असं नाही तर जबाबदारी ठेवून लिहा. आपण जी प्रिन्सिपल उराशी जपतो त्याच्याशी प्रतारणा करणारे, त्याचे समर्थन केलेले वाचले की त्रास होतो.
मला पिनी यांचा अशी चर्चा अशा कथांखाली झाली पाहिजे दृष्टीकोन फार आवडला.

लिहा हो - तुम्ही पाहिलेलं वास्तव तुम्ही लिहा.

भरगच्च पाकीट बघून लाळ गाळणाऱा सासऱा, त्याचा मुखदुर्बळ जुगाडू मुलगा, पदराआड खुदुखुदू हसणारी सून आणि कशी का होईना, उजवली एकदाची म्हणून सुखावणारे तिचे आईवडील हे चित्र २०२३मध्येदेखील ज्यांना गोऽऽड वाटतं त्यांना त्यांचा बबल लखलाभ, आम्हाला आमचा!

या निमित्ताने: मेड इन हेवन सिरीज चा सिझन 1 एपीसोड 4 'price of love' नक्की बघावा सर्वांनी.सुंदर चित्रीकरण आणि रोशे गाणं आहे यात.

ती गोष्ट अशी अशी घडली - असं म्हणून लिहिलं असेल तर ठीक आहे. गोष्टीत तरी लेखिकेने अमुक एक बरोबर किंवा चूक अशी बाजू घेतलेली नाहीये. फक्त कथेत तसं होणं का चूक आहे ह्याबाबत अनु यांचे सगळेच मुद्दे पटले. इथे लग्नाला तयार होऊन पोरीने फार मोठी रिस्क घेतली आहे असं वाटतं. ज्या ज्या रिस्कस वाटताहेत (वर अनेकांनी नमूद केलेल्या) त्या तशा प्रत्यक्षात घडू नयेत या शुभेच्छा.

मतभेद असतात. त्यावरून एकमेकांना लक्ष्य करू नये. एव्हढे टा़ळून चर्चा पुढे चालू रहावी.

हुंडा ही अनिष्ट प्रथा आहे त्यामुळे आणि हुंड्यापायी जाणार्‍या बळींपायी जे प्रतिसाद येत आहेत त्यात त्यांना जिवाची रिस्क दिसतेय. हे बरोबरच आहे. त्यामुळे ही मतं बाळगणार्‍यांना धोपटण्यात अर्थ नाही.

पण जिते मुलगाच मुलीच्या समर्थनार्थ आहे आणि रहायला स्वतंत्र आहे तिथे रिस्क कमी आहे किंवा नाहीच्या बरोबर आहे. तसेच ज्या अर्थी मुलाने आधी भेटून हुंड्याची रक्कम द्यायचा प्रस्ताव मांडला आहे त्या अर्थी उद्या उघडकीला आले तरी हुंडाबळीपर्यंत आपले घरचे जाणार नाहीत ही खात्री असेल. तसा विचार केलेला नसेल तर मग अवघड आहे. या अनुषंगानेच मी लिहीले होते कि हुंडाबळीची प्रकरणे सर्रास होत नसतात. ती शहरात सुद्धा होतात. काही प्रकरणांमुळे ग्रामीण भाग किंवा काही गोष्टींचे सरसकटीकरण होते. त्या कल्पना घेऊन लोक वावरतात.

प्रत्यक्षात तसे नसते. सामोपचारानेच लोक शक्यतो घेतात.
तसे नसते तर मुलाने आणि मुलीने पळून जाणे ही सुद्धा घरच्यांची फसवणूकच आहे. त्या केस मधे पण सर्रास ऑनर किलिंग होते असे म्हणून भुई धोपटण्यात अर्थ नाही. जर अशा शंभर टक्के केसेस मधे हत्या होत असत्या तर मग कुणी पळूनच गेले नसते.
कुणी चुकतंय असे नाही. आपण कुठून बघतोय त्यावरून आपल्याला दृश्य कसं दिसतं इतकंच.
शहरात सुद्धा लग्नावर भरपूर खर्च होतो. हे पण कंपल्शन झालेलं आहे. पुण्यात हुंडाबळीच्या तीन केसेस गाजलेल्या आहेत. एक सारडा, दुसरी मुंडडा आणि मेहता. हे लोक शहरात राहून आजही हुंडा प्रचंड प्रमाणात देतात, घेतात. लग्नावरचा खर्च, दागदागिने यावर प्रचंड खर्च होतो.
पण त्या घरात मुलगी देणे, लग्नच करणे ही रिस्क आहे असे आपल्या कुणालाच वाटत नाही.

“ खोटं बोलत नाही तर तो
"त्याचेच पैसे दिलेत" हे वडिलांना कळू देत नाही. >> ते पैसे मुलीकडून आले आहेत हे वडिलांना सांगणं म्हणजेच खोटं बोलणं आहे - कितीही शब्दाचे खेळ खेळले तरी ही वस्तुस्थिती बदलत नाही.

“अर्थात काही जणांच्या सुरक्षित आयुष्याच्या कल्पनेला तिचा निर्णय तडा देणारा असूच शकतो” >> कुणाच्या सुरक्षित आयुष्याला कसले तडे गेले आहेत?

“बरेच जण स्वतःला वेगळे नियम दुसऱ्यांना वेगळे नियम हा दुटप्पीपणा नेहेमीच करत असतात” - हे कसं ठरवलं?

त्याचा मुखदुर्बळ जुगाडू मुलगा , त्यांना त्यांचा बबल लखलाभ, आम्हाला आमचा >>>

प्रत्येक जण सुधारक (आगरकर), महात्मा फुले असत नाही. दुर्दैव आहे पण वडीलधार्‍यांच्या चुकीच्या कल्पनांना विरोध करत नाहीत . थेट संघर्ष करण्यापेक्षा चांदोबा छाप ट्रीकनेच वेळ मारून नेली जाते. अशा प्रकरणात सुद्धा मी स्वत: पाहिलेले आहे. काही वेळा जुनी खोंड धुसफुसत राहतात, पण इतर लोक "झालं गेलं गंगेला मिळालं" म्हणून समजूत काढतात.

हट्टाला जाऊन झालेलं लग्न मान्य नाही म्हणून मुलाचं दुसरं लग्न लावून देणारी केस पाहण्यात आहे. पण टक्केवारी पाहिली तर नगण्य भरेल. बातमी झाली तर त्याच केसची होईल. ज्यावरून शहरात राहून ग्रामीण भागात या केसेस सर्रास घडतात असेच कुणाचेही मत बनेल.

निर्णयाची किंमत मोजली ५ वर्ष (ऐन उमेदी्तली)>> समजतंय का काय लिहिताय! कोणी पर्सनल अनुभव लिहिला असेल तर त्यावर इतक्या खालच्या थराला जाऊन कमेंट! स्पीचलेस!
अमांची पहिली प्रतिक्रिया अत्यंत कमी शब्दात परफेक्ट होती.

ते पैसे मुलीकडून आले आहेत हे वडिलांना सांगणं म्हणजेच खोटं बोलणं आहे >> अहो पण फेफ, वडीलांच्या कल्पना चुकीच्याच आहेत ना ? त्यांच्या घरातल्या पोझिशन मुळे थेट विरोध केला जात नाही इतकेच. नाहीतर बघा मुलीसाठी बापाला आडवं लावायला लागलं पोरगं असं बोलतील लोक. लोक काय खोलात जाऊन विचार करत नाहीत. समोरासमोर बोलू, चर्चा करू असा ओप्शन नसेल म्हणून एकदा घडून गेल्यावर बघू असा विचार केला जातो. प्रेमविवाह सुद्धा फसवणूकच होईल या व्याख्येनुसार.