पाककृती स्पर्धा-१ - तिरंगी पदार्थ - व्हिएतनामी फ्रेश स्प्रिंग रोल्स - अमितव

कच्च्या भाज्या बोअर वाटत असतील तर अमितवने वर दिलेल्या टिप्स आणि सोबत आवडीचे रोस्टेड सीड्स टाकले मूठभर तर अजून क्रंची लागेल बोअर वाटणार नाही असा माझा अनुभव. ट्राय करून बघा.

छान रेसिपी अमित

सालपापड्या भाज्या होल्ड करणार नाहीत. राइस पेपर स्टिकी राइसचा असतो, त्यामुळे मऊ झाला तरी भाज्यांचं वजन पेलून एकसंध राहातो.

मस्त..राईस पेपर आणून करून पहायला हवे एकदा!

मस्त रेसिपी, नक्की करून बघेन

मस्तच रेसिपी आणि फोटोही फार छान.

पौष्टीक रेसिपी दिसतेयं..!

भारीच रेसिपी अमित

एकदम रंगीबेरंगी पाकृ आहे. छान.

आज हे रोल्स बनवण्याची जय्यत तयारी केली.
(याशिवाय टोफू वापरला.)

आधी डिप बनवले. चिनी ऑईल आणायला विरसलो होतो मग चिली फ्लेक्स आणि ऑलिव्ह ऑईल वर काम निभावले.

भाज्या जास्त होत असल्याने शेवटी पिवळं झुकिनी घेतलं नाही.

कच्च्या भाज्या म्हटल्यावर बायको जरा साशंक होती. मग दोन चमचे तहीनी एक एक मूठ कोथिंबीर, पुदिना, दोन ओले ओमानी खजूर, मिरपूड, लिंबाचा रस आणि थोडे पाणी घालून ड्रेसिंग बनवले भाज्यांवर वापरायला, आणि अरुगुलावर बाल्सामिक व्हिनेगर शिंपडले.

सर्व तयारी मनासारखी झाल्यावर खोलगट ताटात पाणी घेऊन, आणि रोल्स बनवायला परात उलटी ठेवून राईस पेपरचे पाकीट उघडले आणि हाय रे दय्या!
सगळ्या राईस पेपर्सना मधोमध ३-४ इंच लांबीचा तडा गेला होता!
Zepto वर मिळत नाही माहीत असूनही एकदा zepto वर बघितले इतक्यात मिळायला लागलाय का. पण नव्हता.

मग दोन राईस पेपर्स त्यांच्या तडा काटकोनात छेदतील असे एकावर एक मांडून जुगाड केला. रोल्स कसे बसे बनले त्यातील फोटो काढण्यालायक हे दोनच.

एकूण चार रोल्स असे कसे बसे वळवता आले. इतर राईस पेपर्स अजून जास्त तडकले होते. उरलेल्या भाज्यांवर ड्रेसिंग आणि डिप घालून सलाड प्रमाणे खाल्ले.
मस्त चव आहे. जमलेले रोल्स आणि मग सलाड दोन्ही एंजॉय केले.
कच्च्या भाज्याच (त्यावर ड्रेसिंग/चटणी घालून अथवा न घालून) छान क्रंची लागतात हे पटले अमितव. वाफवल्या/फ्राय वगैरे केल्या तर ती मजा येणार नाही.

रोल्स एकदम आवडले आहेत, नियमित करण्यात येतील.

सहीच मानव!!

पुढच्या गणेशोत्सवात सुद्धा असेच उत्साहाने सहभागी व्हा !
तुमचे प्रशस्तीपत्र खालीलप्रमाणे.

बऱ्याच वर्षांपूर्वी एकदा दुकानात दिसले म्हणून काय आहे करून बघावे असा विचार करून राईस पेपर चे पाकीट आणले होते. त्यावेळी मला हे नंतर वाफवावे किंवा तळावे लागतात असे वाटलं होते आधी. त्याच्यावरच्या सूचना वाचून मग केले होते रोल. बहूतेक काकडी, गाजर आणि अजून एखादी भाजी वापरली होती कच्चीच. पण यासोबत खायला वेगळे डिप असते हे नव्हते माहिती. त्यावेळी मला ते धड वळता आले नव्हते रोल. तेवढं पाकिट कसेबसे संपवले होते आम्ही.

नंतर कधी दिसले पण नाहीत दुकानात. इथे रेसिपी आल्यानंतर माझ्या नेहेमीच्या ग्रोसदीर दुकानात दिसायला लागले राईस पेपर अचानक. मग आणलेच शेवटी.
आज करतेय रोल आणि डिप.

....

अभिनंदन!

अभिनंदन!