मतंग्या एरिशेरी / लहान लाल चवळी (कडधान्य) आणि लाल भोपळ्याची उसळ

Submitted by पार्वती on 18 November, 2021 - 04:26
प्रत्यक्षात लागणारा वेळ: 
३० मिनिटे
लागणारे जिन्नस: 

१ वाटी लाल चवळी
२०० ग्रॅ लाल भोपळा लहान तुकडे केलेला
अर्धा नारळ खवलेला (दोन भाग करा)
१/२ चमचा जिरं
१ लसणाची कळी
मीठ
फोडणीसाठी :
नारळाचं तेल
मोहरी
सुक्या लाल मिरच्या
कढीपत्त्याची पानं

क्रमवार पाककृती: 

चवळी ८-१० तास भिजवून ठेवा.
कुकरमध्ये पाणी घालून व्यवस्थित शिजवून घ्या.
कुकर थंड झाला की त्यातच लाल भोपळा घालून कुकरची आणखी एक शिटी काढून घ्या.
तोपर्यंत खवलेल्या नारळाचा अर्धा भाग, जिरं आणि लसणाची पाकळी वाटून घ्या.
कुकर थंड झाला की त्यात हे वाटण घालून १० मिनिटं उकळून घ्या.
नारळाचं तेल गरम करून त्यात मोहरी, लाल मिरच्या आणि कढीपत्त्याची फोडणी करून ती उसळीवर घाला.
त्याच कढईत उरलेला नारळ छान तांबूस होईस्तोवर भाजा आणि खमंग भाजलेल्या नारळाचा चव उसळीवर घालून ढवळून घ्या.
एरिशेरी तय्यार, गरम गरम वाफाळत्या भाताबरोबर गट्टम करा.. (हे सांगायची गरज नोहे).

वाढणी/प्रमाण: 
३-४लोकांसाठी
माहितीचा स्रोत: 
केरळी मैत्रिणीची आई
आहार: 
शाकाहारी
पाककृती प्रकार: 
उसळ
प्रादेशिक: 
केरळी
शब्दखुणा: 
चवळी
उसळ
केरळी
Groups audience: 
पाककृती आणि आहारशास्त्र
Group content visibility: 
Use group defaults
शेअर करा

बिलकूल लगदा होत नाही. चवळीची चव छानच लागते. लाल भोपळ्यामुळे रस्सा दाट होतो. भोपळा आहे हे कळतसुद्धा नाही. विशेष म्हणजे मसाले काहीच नाहीयेत ह्यात.

Submitted by पार्वती on 18 November, 2021 - 05:14

छान पाककृती. करून बघेन (म्हणजे खाईन).
लगदा होईल असे वाटत असेल तर कुकरमधे चवळी शिजवण्या ऐवजी पातेल्यात शिजवता येईल. चवळी शिजत आली कि त्यात भोपळा घालून अजून शिजवायचे.

Submitted by sonalisl on 18 November, 2021 - 07:53

लाल चवळी खूप आवडते. पण दुकानात गेलं आणली अस होत नाही. बरेचदा स्टॉक नसतो दुकानात. पण मिळेल तेव्हा आणतेच आणते.

आम्ही लहानपणी अलिबाग ला असताना आमची दूधवाली आजी तिच्या शेतातील चवळी देत असे आम्हाला , अर्थात आई विकत च घेत असे. तिच्या गोडसर चवीचा नॉस्टॅल्जिया आहे. लाल भोपळा आणि ही चवळी कधी केली नाहीये पण मस्त लागेल.

त्यामुळे आता शोधाशोध करून चवळी मिळवणार आणि ही भाजी करून बघणार.

Submitted by मनीमोहोर on 18 November, 2021 - 08:12

आमच्या पण काही भाज्या खोबऱ्याच्या वाटणातील असतात. तरीही 1 वाटी चवळीसाठी अर्धा नारळ भरपूर वाटतोय.
बाकी रेसिपी चांगली आहे .

Submitted by देवकी on 18 November, 2021 - 09:47

मी आजच केली आणि लगदा अगदी नाही झाला. त्यामुळे चिंता नसावी. पण तसं वाटत असल्यास सोनालीनं सांगितल्याप्रमाणे भांड्यात शिजवायलाही हरकत नसावी.
केया, मृणाली, मनीमोहोर, अस्मिता, नक्की करून पाहा.
देवकी अर्धा नारळ लागतो कारण वाटणासाठी त्यातला अर्धा (पाव नारळ) आणि वरून तांबूस भाजून टाकायला अर्धा (पाव नारळ) असं प्रमाण आहे ना. गार्निश के लिए भी नारळच वापरे उन लोगोंने! इसी लिए....

Submitted by पार्वती on 18 November, 2021 - 10:23

ओ ताई, पांढरी चवळी असते तिच्या निम्म्याने लहान ही चवळी असते.रंग लालसर ब्राऊन असतो.डाळ नव्हे.

Submitted by देवकी on 20 November, 2021 - 05:57

पार्वती, मी केले 'मतंग्या एरिशेरी' , हे मी गंमत म्हणून सतत म्हणत होते. लक्ष्मी पूजनाचा उरलेला नारळ होता. ओलं खोबरं जरा कमी टाकलं, लसूण जरा जास्त टाकला, Halloween ला पम्पकीन पायसाठी आणलेला लाल भोपळा होताच , एकत्रच उकडले, मस्तच झाले आहे.
Screenshot_20211120-114041_Gallery.jpg
थँक्यू गं, काही तरी नवीन शिकायला मिळाले. Happy

Submitted by अस्मिता. on 20 November, 2021 - 12:48

वेगळीच रेसिपी, म्हणजे कॉम्बिनेशन वेगळंच आहे. करून बघायला हवी. नाव भारीच आहे. पार्वती थॅंक्यू रेसिपी शेअर केल्याबद्दल
अस्मे तुला पैकी च्या पैकी मार्कस्

Submitted by धनुडी on 21 November, 2021 - 01:58

अस्मे तुला पैकी च्या पैकी मार्कस्>>>>>>+१.

लाल चवळी म्हणजे अळसांदे का ?>>>>> नाही. हळसांडे वेगळे असतात.जरा जाडुलेसर असतात.गोव्याला मिळतात.बाकी ही सगळी चुलतभावंडे आहेत.

Submitted by देवकी on 22 November, 2021 - 04:54

अस्मे तुला पैकी च्या पैकी मार्कस्>>>>>>+१.

लाल चवळी म्हणजे अळसांदे का ?>>>>> नाही. हळसांडे वेगळे असतात.जरा जाडुलेसर असतात.गोव्याला मिळतात.बाकी ही सगळी चुलतभावंडे आहेत.

Submitted by देवकी on 22 November, 2021 - 04:54

अरे सॉरी.. गेल्या आठवड्यात इकडे यायला अगदी वेळ झाला नाही. वा अस्मिता! मस्त दिसतेय एरिशेरी. क्या बात है! बाकी सर्वांनाच थँक्यू! किशोर, धनुडी.. करून पहा. अगदी सोपी आणि छान पाकृ. शांत माणूस – मी माझ्या मैत्रिणीला व्हॉइस मेसेजवर मतंग्या एरिशेरीचा उच्चार मागितला. आणि त्यातल्या त्यात जसं जमलं तसं देवनागरीत लिहिलं. ते तंतोतंत जमलं असं काही अजूनही वाटत नाहीये. पण माटुंगा-वडगाव शेरीची फ्लाइट लवकरच सुरु होईलसं वाटतंय!

Submitted by पार्वती on 28 November, 2021 - 09:56

Pages