विस्कळखाईत कोसळताना

Submitted by अनन्त्_यात्री on 8 August, 2021 - 04:56

रेणुबंध होतील खिळखिळे
खळकन् फुटतील ठाशीव साचे
हादरून जातील स्तंभही
तर्काच्या भक्कम इमल्यांचे

गाभ्यातून जर्जर पृथ्वीच्या
लाव्हारस येईल उधाणून
अब्ज सजीवांचा कोलाहल
उरेल भवतालाला कोंदून

विस्कळखाईत कोसळताना
असेच काही घडेल, किंवा
भौतिकीचे नियम जरासे
वागतील वेगळेच तेव्हा

विषय: 
निसर्ग
काव्यलेखन
Groups audience: 
गुलमोहर - कविता
Group content visibility: 
Use group defaults
शेअर करा