पानकोबी हेटर्स क्लब

पानकोबी शिवाय चायनिज बनवणे अशक्य आहे

चिकन लॉलीपॉपसोबत कच्चा चायनीज कोबी देतात तो मला आवडतो पण भाजी नाही आवडत. भाजी काही वर्षांपूर्वी ठीक ठीक वाटायची पण मध्यंतरी सगळे गावी गेले असताना बाहेर डबा लावला होता तेव्हापासून कोबी अजिबात आवडत नाही.

मला आवडतो -
भाजी, कच्च्याची पचडी व थालीपीठ सुद्धा !

पहिल्यांदा पानकोबीची भाजी माझ्याएवढी आवडीची नव्हती. पण ऑफिसमध्ये सोबत असणारे माझे एक गुजराती सहकारी होते. ते डब्यात नेहमी पानकोबीची भाजी आणायचे. ती भाजी चवीला उत्तम लागायची. सिमला मिर्ची घालून केलेली ती पानकोबीची अर्धकच्ची भाजी मला खूप आवडायची. चवीला गोडसर लागायची ( त्यांच्या सगळ्या शाकाहारी भाजीत गुळ वापरलेला असायचा). मी त्यांच्या भाजीसारखी भाजी घरी बनवून बघण्याचा प्रयत्न बऱ्याच वेळा केला पण तो अयशस्वी झाला. पण हिरवे मटार घालून केलेली पानकोबीची भाजी छान लागते.

मला चालतो,इतकंच नव्हे तर गेल्या आठवड्यात बरेच दिवस कोबीची भाजी केली नाही म्हणून कोबी आणला गेला.

माझ्या बाबत शिजवलेली पानकोबी हि नावडती विभागात पूर्वी येऊन गेली आहे. पण तेंव्हा कोशिंबीर म्हणून ती आवडती होती.

वाढलेले सगळे खायचे असा शिरस्ता आहे. काही आवडत नाही असे नाही. पण हो काही गोष्टी फारशा आवडीने खात नाही. त्यात एकेकाळी पानकोबी सर्वात वरती होती. (बाय द वे आम्ही फक्त कोबी म्हणतो). त्याला कारण तुम्ही सांगितले तेच. होस्टेलला राहीलो असताना डबेवाला पिवळी धमक कोबीची भाजी सातत्याने आणून द्यायचा. त्यामुळे त्यानंतर बरीच वर्षे हि भाजी नको वाटायची. पण आता असे काही नाही. ताज्या चपाती सोबत आवडीने खातो. सर्वात आवडती गोष्ट म्हणजे कच्च्या कोबीची कोशिंबीर.

मला प्रामाणिकपणे असे वाटते कि ज्या भाज्या वास्तविक उत्तम सॅलड आहेत, ज्या खरे तर जेवणासोबत कच्च्या खायला छान लागतात (किंवा फार्फारतर कोशिंबीर करून) त्यांना पूर्वी कोणीतरी "धर कि उकड आणि दे तिखटाची फोडणी" ह्या चक्रात टाकायचा पायंडा पडून त्यांची पार वाट लावली आहे. कोबी, शिमला मिरची, टोमॅटो, मोड आलेली कडधान्ये, कांद्याची पात इत्यादी सॅलड म्हणून किती छान आहेत. पण नाही. अनेक घरांत त्यांच्या नशिबी उकडणेच आहे. तरी नशीब कि गाजर, काकडी यातून सुटले. नाहीतर उकडून चरचरीत तिखटाची फोडणी दिलेली काकडी चपातीसोबत खावी लागली असती

असो. छान लेख. अगदी कोबीच्या कोशिंबीर सारखा खुसखुशीत

ता.क.: अरे हो, उकडलेल्या कोबीपासून बनवलेल्या आवडत्या पदार्थांत 'आलू गोभी पराठा' सर्वात वर. त्याचा उल्लेख न करून कसे चालेल.

Chicken coleslaw हा माझा अतिशय आवडीचा कोबी वापरून केलेला पदार्थ आहे. कोबीच्या इतर वापराबद्दल न्यूट्रल आहे. आवडत/नावडत दोन्ही नाही.

कोबी कमी आवडतो, हेट वगैरे नाही करत अजिबात.

कच्चीपक्की भाजी फोडणीत मिरची, कढीलिंब घालून केलेली (गुळ, साखर अजिबात न घालता परतून केलेली ). पचेडी, भजी, कोबी वड्या हे प्रचंड आवडतं. थालीपीठ पण आवडतं. कोबी मसालेभात पण आवडतो.

पण हिरवे मटार घालून केलेली पानकोबीची भाजी छान लागते. >>> ही मस्त होते पण कृती वर मी लिहिलेली कोबी कच्ची पक्की भाजी असल्याप्रमाणेच हवी. साखर गुळ नको अजिबात. आमच्या शेजारी राहणाऱ्या कच्छी कुटुंबातील भाभी, कोबीच्या कच्ची पक्की भाजीत गुळ साखर घालायच्या नाहीत. त्यांचं बघून आई तशी करायला लागली. नाहीतर चणाडाळ, गुळ, गोडा मसाला घालून व्हायची जास्त आमच्याकडे.

विदर्भातील लोक पानकोबी किंवा पत्ताकोबी म्हणतात, बाकीच्या ठिकाणी फक्त कोबी म्हणतात आणि फ्लॉवर ला फुलकोबी, बाकीच्या ठिकाणीं फ़क्त फ्लॉवर.

मी कोबी फ्लॉवर म्हणायच्या गटातली.

हो.. आम्ही पण कोबी आणि फ्लॉवरच म्हणतो.
मानवजी.. तुम्ही लेख भारी लिहिलायं हे वर लिहायचं राहिलं.

मलाही नाही आवडत कोबी. त्यातून तो जून असेल तर अगदी उग्र वास येतो. कोबी भात, कोबीच्या पानात गुंडाळून केलेल्या कसल्या कसल्या वड्या असली सुगरिणीची करामत म्हणजे बलामतच.
अगदी कोवळा मिळाला तर बाहेरची पाने टाकून देऊन टोकाकडचा भाग किसून केलेली लच्छेदार रबडी अथवा कलाकंद अथवा खीर बरी लागते. पण खिरीसाठी इतर अनेक वस्तू असताना कोबी कोण कशाला वापरेल!
नाही म्हणायला स्प्रिंग रोल्स आवडतात.
लेख आवडला हे वे सां नल.

कोबी जून असेल तर प्रचंड उग्र वास येतो मात्र ह्याला अगदी अगदी हिरा. कोवळा असेल तर आणते.

रबडी, खीर, कलाकंद कोबीचा मी पहिल्यांदा ऐकतेय.

>> आमच्या शेजारच्या कच्छी भाभी कोबी कच्ची

'कच्छी भाभी कोबी कच्ची' हे मला Tongue-twister phrase वाटते.

डू प्र का टा

'कच्छी भाभी कोबी कच्ची' हे मला Tongue-twister phrase वाटते. >>> एडीट करते.

मी कोबी फ्लॉवर म्हणायच्या गटातली.>>> मीही!

पण खिरीसाठी इतर अनेक वस्तू असताना कोबी कोण कशाला वापरेल!>>+१.
कोबीच्या वड्या मस्त लागतात मात्र.

कच्छी वरून आठवलं
कांदा महाग झाल्यावर कच्छी दाबेली वाल्याला कांद्या ऐवजी बारीक चिरलेला कोबी घालताना पहिल होतं, मी २-३ वेळा विचारलं पण त्याला कोबी कसा काय, कोबी कसा काय - नो उत्तर

जास्त शिजवल्यावर कोबीचा जो वास येतो तो मला तरी अजिबात आवडत नाही.

सो, मी पचडी, पराठा, अर्धी कच्ची भाजी कॅटेगरी मध्ये
बाकी मानव दा , कोणत्या कोबी विकणाऱ्याशी डील जमलीये का (किती टक्के म्हणतोय)

मेसवाल्यांची अगदी आवडती भाजी

मला कोबीची भाजी नाही आवडत फारशी पण त्याच भाजीची बटर, सॉस, चीझ वगैरे घालून फ्रॅंकी केलेली असली की मग मिटक्या मारत खातो

मला हिवाळ्यातली ' पानकोबी' आवडते. उन्हाळ्यात बिग नो त्यया उग्र वासामुळे.मि, कढीपत्ता टाकून स्टरफ्राय आवडते. एक केरळी मैत्रीण ( ती बदलून केरळला गेली य वर्षांपूर्वी) लाल सुक्या मिरच्या व भरपूर ओ.नारळ करून करायची.इतकी सुरेख एकसारखी चिरलेली असायची. दिसायला फो. पोह्यांसारखी दिसायची आणि मी ही पोह्यांसारखी बशीत घेऊन खायचे. तशी भाजी अजून पर्यंत जमली नाही. कोशिश जारी है... चायनीज मध्ये इतर भाज्या,सॉसेसमुळे उग्रपणा दमत असावा.
सज्जनगडला पोह्या उपम्यात घालतात पानकोबी कांंद्याएवजी.

श्रद्धा मलापण सेम असेच वाटले..

"कांदा महाग झाल्यावर कच्छी दाबेली वाल्याला कांद्या ऐवजी बारीक चिरलेला कोबी घालताना पहिल होतं, मी २-३ वेळा विचारलं पण त्याला कोबी कसा काय, कोबी कसा काय - नो उत्तर Lol "
अगदी अगदी
कांदा महाग होण्याचे एक चक्र असते. ठराविक वर्षांनी कांदा महाग झाला की हॉटेलात सलाडमध्ये भरड चिरलेला कोबी दिसू लागतो. कोबीगाजरकाकडीची मिश्र कोशिंबीर दिसू लागते. कोबीच्या पानांचे पकोडे दिसू लागतात. पट्टीच्या समोश्यांमध्ये कांद्याऐवजी किसलेला कोबी दिसू लागतो. अल्प काळाकरता कोबी कळीचा बनतो.

मंजूताई इथे मुंबईत पण अशी गावठी कोबी मिळते.. भाजी, कोशिंबीर मस्त लागते ह्या कोबीची..
मला २ /३ किलो वजनाचा भला मोठा कोबी आवडत नाही.. छोटा गावठी कोबी बघून घेते..
शिजलेला कोबी अजिबात आवडत नाही.. हॉटेलमध्ये रसम .. सांबारमध्ये घालतात.. ते शिजवूनच भाजी करतात..

लेख मस्त कोबीच्या भानोल्यासारखा..( तीळ घालून केलेल्या कोबीच्या तिखट वड्या )

फोडणीचे वरण, गरमागरम भात आणि कोबीची लसूण मिरचीच्या ठेच्यावर केलेली भाजी म्हणजे माझं कंफर्ट फूड,
नॉनव्हेज प्रेमी असूनही मी कोणत्याही वेळी / दिवशी खाऊ शकते.

ते नावडता पदार्थ आधी संपवण्या बाबतीत माझा भाऊ पण तुमच्यासारखाच आहे.

कोबीची भाजी पूर्वी अजिबात आवडत नसे. हल्ली मी करतो तशी आवडते. बाकी वैर नाही.

मला बर्‍याच भाज्या विशिष्ठ प्रकारे केल्या तरच आवडतात , त्यातलीच एक भाजी म्हणजे पानकोबी.
कच्चा कोबी हा कोशिंबिर आणि कोलस्लॉत - यात पुन्हा मेयोचा दर्जा आणि प्रमाण महत्वाचे. त्याशिवाय जांभळा कोबी मी लेट्युस ऐवजी / जोडीला सॅलदमधे आणि फिश टाको, चिनन बरीतो वगैरेत वापरते.
फरमेंटेड - सॉवरक्रॉट(पान कोबी) आणि किमचीत (नापा कॅबेज). हे दोन्ही घरगुती हवे.
शिजवलेला कोबी - यात कोबीची भजी, थालीपिठ, कोबीच्या झणझणीत वड्या, कोबीचा झुणका. त्याशिवाय अर्धवट शिजलेला स्टरफ्राय आणि स्प्रिंगरोलमधे.
आमच्याकडे डाळ घालून केलेली कोबीची भाजी न आवडण्याची माझ्या आई पासूनची परंपरा. कोबीची भाजी ही फक्त माझ्या आईच्या पद्धतीची, हिंग-मोहरी-हिरवी मिरचीची फोडणी त्यावर एकसारखा बारीक चिरलेला कोबी अजिबात पाणी न घालता ४-५ मिनीटे नुसत्या वाफेवर कोमेजेल इतपतच जेमतेम शिजवलेला. वरुन मीठ आणि बेताची हळद घालून थोडेसे परतायचे की बस्स!
मी लग्न ठरल्यावर विकेंडला होणार्‍या सासरी रहायला जात असे. तेव्हा पहिल्याच शनिवारी बाणेदारपणे पानात कोबीची भाजी वाढू दिली नव्हती. माझ्यामुळे छोट्या पुतण्यालाही मोरांबा-पोळीचे जेवण मिळाल्याने आमची लगेच गाढ मैत्री झाली.

लेट्युस... यस्स! हेच आठवत नव्हतं मघाशी सलॅड च्या यादीत.
भाजीवाल्याला वर्णन करून सांगितले निदान त्याला तरी नाव आठवेल म्हणून. तर तो म्हणाला "त्याला सलाडची पाने" असेच म्हणतात
म्हणून मी शेवटी 'इत्यादी' लिहून रिकामा झालो.

कच्छी भाभी कोबी कच्ची' हे मला Tongue-twister phrase वाटते.>>>
लेख मस्त! तळटीपही आवडली.
माझ्या सासरी, दिर-जावेला कोबी इतका आवडतो कि आठवड्यातून १-२ वेळा आणि वर्षभर केला जातो. त्यात माझा नवरा जे वाढले ते निमुटपणे खाणारा. इतक्यावेळा कोबी खाल्ल्यावर आपला कोबी खाण्याचा आयुष्यभराचा कोटा संपला आहे असे त्याला वाटते. लग्नानंतर आता स्वत: भाजी आणायला गेला तर कोबी कधीच आणत नाही.
कोबी शिजताना उग्र वास येतो पण खाताना त्याची तिखट भाजीही मला गोडच लागते.