हॅपी हेलोवीन डे - कसा साजरा करतात?

अरे हो, वर जो फोटो टाकलेला, मुलीच्या शाळेतील हॅलोवीन फॅन्सी ड्रेस स्पर्धेचा, त्याचा काल निकाल लागला. पोरगी पहिली आली
ईतरांनीही बरेच छान छान मेक अप, मुखवटे, हॉरर साऊंड आणि प्रकाशयोजना वगैरे करून उत्साहात भाग घेतलेला. पण पोरीने सोबत जे बोलीबच्चन दिले त्याने एक्स्ट्रा पॉईटस कमावले वाटते

धन्यवाद हिरा

आता जी संभ्रमात टाकणारी व्हॉटसप पोस्ट वाचनात आलेली ती टाकतो.

व्हॉटसपवर आलेली एक पोस्ट
काही मुद्दे पटले. काही बिलकुल नाही. तर काहींनी संभ्रमात टाकले.
आधी पोस्ट कॉपी पेस्ट करतो. मग माझे लिहितो.

>>>>>

लोकानो आपल्या संस्कृतीत भूत खेत या विषयापासून दूर रहायला शिकवले आहे, त्याविषयी विनाकारण चर्चा कोठेही होत नाही. या विषयाच्या बाबत कोणतीही fantacy आपल्या संस्कृतीत तरी अजिबात नाही. आपल्या च काय भारतात नांदणाऱ्या इतर संस्कृतीत देखील ही संकल्पना नाही. तरीही अचानक नवीन * festival फेस्टिव्हल बर का ! आपल्यावर थोपवला जात आहे. आणि हे कोणासोबत आपल्या घरात येत आहे माहीत आहे ? लहान मुलांमार्फत !

आजकाल शाळेत नवीन फॅड निघाली आहेत, आणि आज जरी ही फॅड आणि फॅशन वाटली तरी थोड्याच काळात भारतीय संस्कृतीचा भाग बनतील. कस ? कारण लहान मुलांना नर्सरी च्या वयापासून ही भुताटकी फेस्टिव्हल आपला वाटू लागेल,मग ते लहान भावंडाना या बाबत प्रोत्साहित करतील पुढे जाऊन त्यांच्या मुलांना सांगतील बाबांनो हीच आपली संस्कृती ! हे सगळं हवंय का तुम्हाला ????????????

माझ्या मोठ्या मुलीच्या नर्सरी च्या वयात यातील कोणतीही गोष्ट शाळेत नव्हती, 2018 पासून अचानक शाळेत याचे गोडवे गायले जात आहेत, पूर्ण आठवडा यात व्यतित होत आहे, हळूहळू महिनाभर याचे सेलिब्रेशन सुरू होईल. लोकानो तुमच्या लहान मुलांच्या शाळेत हे उसने फेस्टिव्हल सुरू झाले असतील तर त्याला विरोध करा, आपल्या संस्कृतीत असे असंख्य सण आहेत जे काही चांगला संदेश देतात.ज्याने मुलांवर चांगले संस्कार होऊ शकतात. परंतु हे कोणतेही आगा पिच्छा नसलेले बिन बुडाचे नवीन फेस्टिव्हल विनाकारण सुरू करू नका.

हा एक छानसा मार्केटिंग फंडा आहे, ज्यायोगे याविषयाशी निगडित भरपूर वस्तू विकल्या जाव्यात. . असाच तो व्हॅलेंटाईन दिवस भारतात आलेला नंतर तरूणाई ला भुरळ घालून करोडोंचा व्यवसाय केला, आता आणि हे एक नवीन भूत डोक्यावर बसवून घेऊ नका. शाळेत असले दिवस साजरे होत असतील तर त्यांना प्रश्न विचारा की यातून कोणते संस्कार होतात बर आमच्या मुलांवर ?? भुतासारखे वागू नयेत म्हणून आम्ही शाळेत घालतो न ? मग आता भूत ही संकल्पना आमच्या कोवळ्या मुलांना माहीत नाही तर त्यांना या निमित्ताने आम्ही का सांगावी ?? सगळे चांगले विषय लहान मुलांना शिकवून संपले का ? की सरते शेवटी हा विषय शिकवायची वेळ आली ??
कोवळ्या मुलांना धड देव ही संकल्पना ठाऊक नसते, नेमकं याच वयात त्यांना भूतखेत यांची संकल्पना शिकवायची ?? का कशासाठी ??

वर व्हॉटसपपोस्ट शेअर केली ज्यात हॅलोवीनला विरोध होता.
आमच्याघरी गेल्यावेळी शाळेतल्या हॅलीवीन स्पर्धेत हौसेने भाग घेऊन झालेला आणि यंदाही करायचा विचार आहे / होता (काही वैयक्तिक अडचणी आहेत)
तर एकीकडे हा स्वतः हे साजरे करणार आणि दुसर्‍यांना साजरे करू नका असे बोलणार अश्यातला भाग नाही. वाचनात काही मुद्दे आले जे चर्चेला घेतले ईतकेच !

भुतासारखे वागू नयेत म्हणून आम्ही शाळेत घालतो न ? >> good joke >>> हे मलाही जोकच वाटले च्रप्स, पोस्ट वाढवायला टाकलेय काहीतरी..

मार्केटींगचा मुद्दा योग्य आहे. गेले दोन तीन वर्षात जसे शाळांमध्ये हे साजरे केले जायचे प्रमाण वाढू लागलेय ते पाहता लवकरच वॅलेंटाईन डे सारखी बाजारपेठ तयार होईल वा नक्कीच त्या दिशेने प्रयत्न चालू आहेत. यात आपले नुकसान की फायदा हे अर्थशास्त्र मात्र मला कळत नाही. काही साजरे करायचे म्हटले की पैसा खर्च करावा लागणारच आणि तो कोणीतरी आपल्याकडून कमावणारच.

भूतांना गंमतीने घेतले की भूताची भिती मनातून निघून जाते हा हॅलोवीनच्या समर्थनार्थ मांडलेला मुद्दा मात्र गंडलेला वाटत आहे.
आमच्याकडे घर घर खेळावे तसे आम्ही भूतभूत राक्षसराक्षस खेळतो, पोरगी स्वतःच चेहरा रंगवून भूत बनते, चित्रविचित्र चाळे करून विडिओ बनवते, ते कसलेसे अ‍ॅप वापरून भूताचे सेल्फी काढणे चालू असते... एकंदरीत भूताला काही ईज्जत देत नाही.
पण तरीही रात्री तिला भूताची स्वप्ने पडायची ती पडतातच. अंधारात भूत येईल ही भिती वाटायची ती वाटतेच. ज जगात लोकांच्या मनातून असे देव नष्ट करणे सोपे नाही तसेच भूत काढणेही अशक्य आहे.
त्यामुळे साजरे करूया, पण यातून भूताची भिती राहत नाही वगैरे या अपेक्षा नको वा तसे उदात्तीकरण नको.

सहिष्णुता-असहिष्णुतेचा मुद्दा काय आपला नेहमीचाच आहे. पण तसेही लहानपणापासून मुंबईत ईद ख्रिसमस गणपती नवरात्र हंडी होळी दसरा दिवाळी महाप्रसाद भंडारा सगळेच सण सर्वधर्मीयांसोबत साजरा करतच लहानाचा मोठा झालोय. त्यामुळे मला या मुद्द्याचे कौतुक नाही. देव मानत नसलो तरी जी मजा सत्यनारायणाच्या पूजेचा प्रसाद खायला येते तीच मजा ईदचा पोसलेला बोकड खायला येते. दोघांची चव स्पेशलच असते

धन्यवाद अमा.. सुरू झाला वाटते हॅलोवीन उत्सव.. तुम्हासह सर्वांना शुभेच्छा

फेसबूक मेमरीमध्ये आज गेल्यावेळचे हॅलोवीन आले.
या वर्षी मुलाच्या शाळेत पालकांनीही जायचे आहे.
त्याच्यासोबत रॅम्पवॉल्क करायचा आहे आणि मास्क बनवायची ॲक्टीव्हिटी आहे.
आमच्याकडे रॅम्पवॉल्क मी करू शकतो. पण मास्क बनवणे नॉट कप ऑफ माय टी म्हणून बायकोला म्हटलेय दोघे जाऊया. मी पोरासोबत वॉल्क करेन आणि तू मास्क बनव. पण बायकोने नकार दिल्याने आता मास्क बनवायला लेकीला घेऊन जायचे ठरलेय.
दिवाळीच्या सुट्ट्यांमुळे पोस्ट सेलिब्रेशन आहे.

फेसबूक मेमरीमध्ये आज गेल्यावेळचे हॅलोवीन आले.
या वर्षी मुलाच्या शाळेत पालकांनीही जायचे आहे.
त्याच्यासोबत रॅम्पवॉल्क करायचा आहे आणि मास्क बनवायची ॲक्टीव्हिटी आहे.
आमच्याकडे रॅम्पवॉल्क मी करू शकतो. पण मास्क बनवणे नॉट कप ऑफ माय टी म्हणून बायकोला म्हटलेय दोघे जाऊया. मी पोरासोबत वॉल्क करेन आणि तू मास्क बनव. पण बायकोने नकार दिल्याने आता मास्क बनवायला लेकीला घेऊन जायचे ठरलेय.
दिवाळीच्या सुट्ट्यांमुळे पोस्ट सेलिब्रेशन आहे.

आमच्याकडे हॅलोवीन असा साजरा झाला.
पोरांनी आपणच आपली तोंडे रंगवून घेतली.
सध्याच्या शाळेत हॅलोवीन फेलॉवींन काही नसते. सोसायटीत सुद्धा नसते. त्यामुळे ट्रिक ऑर ट्रीट वगैरे इच्छा असूनही करता आले नाही.
तरी सण साजरा करावा तो खाऊन पिऊन म्हणून थोडे खाण्यापिण्याचे पदार्थ ऑर्डर केले. आणि भूताच्या गेटअप मध्ये नाचून घेतले.

धन्यवाद किल्ली

धन्यवाद

अजून येउद्या हॅलोविन चे फोटोज..!!
>>>
+७८६
स्टेटसवर दिसत होते बरेच लहान मुलांचे..
मजेशीर प्रकार आहे.. वाढायला हवा. असे घरच्याघरी किंवा मोजके जणात करायला मजा आली तरी मोठ्या ग्रूप ने करायला जास्त मजा येईल.

वरील पोस्टमधील पहिले आणि शेवटचे वाक्य विरोधाभास दर्शवत आहेत.

१) ही विकृतीच आहे, उत्तेजन अजिबात देवू नका. हिंदू मांगल्याचे उपासक आहेत.

२) तर तुमच्या दारात श्राद्धाचा स्वयंपाक, मिर्चीलिंबू, काळी बाहुली, पत्रावळीवर गुलाल घातलेला भात असं सगळं आणून ठेवू. हिंदूंमध्ये भुताखेतांची कमी नाही
..

बाकी पोस्ट पटली.