मंद नाही तेवणारी वात मी

Submitted by निलेश वि. ना. शेलोटे on 22 September, 2020 - 13:32

शोधतो काही कुठे माझ्यात मी
हा बरा माझा मला अज्ञात मी

भोग सारे भोगणे आहे इथे
का कुणाला दाखवावे हात मी

टाळली नाही उगा मी माणसे
टाळले सांगू किती आघात मी

पाळला अंधार मी माझ्या घरी
पाळली झोकात आहे रात मी

भीड ठेऊ मी हवेची का उगा
मंद नाही तेवणारी वात मी

चर्चिले जाते असे काही मला
रान सारे जाळणारी बात मी

निलेश वि. ना. शेलोटे
वृत्त :- मेनका
(गालगागा गालगागा गालगा)

विषय: 
काव्यलेखन
हितगुज ग्रूप
Groups audience: 
गुलमोहर - गझल
Group content visibility: 
Public - accessible to all site users
शेअर करा