डावरे -बावरे

डावरे लोक संगीतात एक्सपर्ट असतात म्हणे
गाणे , वाद्य वाजवणे वगैरे
तसा काही अनुभव ?

मी सतार वाजवायला थोडी शिकलेय. फार नाही. पण सिमेट्रीचं ड्राॅइंग ऐका वेळी दोन्ही हातांनी काढू शकते मी. उजव्या हातानंही ब-यापैकी लिहू शकते. चित्रकला व इतर ललित कला अत्यंत आवडतात व थोड्याफार जमतात.

मजेशीर अनुभव आहेत जे डावऱ्यांसाठी त्रासदायक आहेत.
मी इतर सर्व कामे उजव्या हाताने करतो फक्त संगणकाचा उंदीर डाव्या हाताने चालवतो (कोणतेही बटन सेटिंग न बदलता) अगदी ऑटोकॅड ड्रॉईंग देखील डाव्या हातानेच बनवतो.

http://mr.upakram.org/node/3193 हा लेख वाचा डावे की उजवे

लिहायला उर्दू सारखी सुरवात करत होती, खूप सांगून ते बदलले>>>> माझी लेकसुद्धा असंच करत होती. मग तिने सुरुवात केली की, "उर्दू नको,मराठीत लिहा" असं हसतखेळत सांगायला सुरुवात केली. त्यामुळे थोडा फरक पडला. पण तरीही नकळतपणे तसं होतं अजूनही. पण तिच्या लक्षात आलं की सुधारते मग.
अक्षर तिरकं वर जातं मात्र लिहिताना. आणि ठिपक्यांची रेषा असलेली बाराखडी गिरवायचं पुस्तक आणलंय. पण गिरवताना ती नक्की कशावरून पेन्सिल फिरवतेय, हे तिचाच हात मध्ये आल्यामुळे तिला दिसत नाहीये, असं वाटतंय. त्यामुळे हे काम काही व्यवस्थित होत नाही आणि तिला कंटाळा येतो. हे डावरेपणामुळे असेल का?

छान लेख छान विषय

मला फार वाटायचे की माझे एखादे मूल तरी डावखुरे व्हावे. कारण एकूणच मी डावखुर्‍यांचा फार मोठा फॅन आहे. मला ते स्टायलिश वाटत आलेत नेहमीच.

तसेच डावखुरे लोक क्रिएटीव्ह असतात कारण ते उजव्या मेंदूचा वापर करतात असा काहीतरी फंडा आहे ना
जाणकारांनी प्रकाश पाडा प्लीज

अरे हो, मी स्वतः सौरव गांगुलीसारखे दिसावे आणि भासावे म्हणून जवळपास वर्षभर डाव्या हाताने फलंदाजी करायचो. बरेपैकी यशही मिळाले होते

वरचे बरेच मुद्दे स्वत: लेफ्टी असल्यामुळे रिलेट झाले. शिवाय धाकटी बहीण, मोठी काकी, मेव्हणा असे घरातच लेफ्टी आहेत.

डाव्या-उजव्याचा बराच त्रास झाला आहे लहानपणी. प्राथमिक शाळेत दुपारचा डबा खातांना मला डावा हात मांडीखाली ठेवण्याची सक्ती होती - उजव्यानी खाल्ले नाही तर मित्र हसायचे. घरी पण जेवण उजव्या हातानेच करावे असा आग्रह होता, त्यासाठी बऱ्याच युक्त्या वापरल्या जात, मला मात्र त्याचा राग राग होत असे. पुढे दोन्ही हातांनी (सारखेच गचाळ अक्षर) लिहिणे, चित्रे काढणे अगदी १४-१५ वर्षाचा होईंपर्यंत. मग मात्र लिहिणे डाव्या आणि खाणे उजव्या हाताने अशी विभागणी झाली.

शर्टाची बटणे, खिसे, बेल्ट यांच्या रचनेनी आधी खूप त्रास दिला, आता सवय झाली आहे.

आता मजेत आहे - भारतीय जेवण उजव्यानी सुरु करतो, पण दोन्ही हातानी जेवतो फारिनला आणि जिथे काट्याचमच्यांनी खायचा प्रोटोकॉल असतो तिथे थोडी तारांबळ उडते - डावा हात टेक्स फुल्ल कंट्रोल - मग ते डाव्या-उजव्याचे सर्व नियम कायदे पाय(हात)दळी तुडवून मजा करतो

आता उजव्या हाताने सुवाच्य लिहिता येत नाही.
सही आजही दोन्ही हातानी सेम टू सेम येते.

आम्सटरडॅमला डावखुऱ्या लोकांसाठी असलेल्या वस्तूंनी खच्चून भरलेले एक दुकान बघून आपण थोडे आधीच जन्माला आलो असल्याचे फीलींग आले होते !

छान लिहिलंय.

लेख आणि प्रतिसाद भारीच . नवीन माहिती कळली

छान लिहिलंय.
सदिच्छा !

Happy left hander’s day guys !

धागा वर काढत आहे

शीर्षक मस्त आहे. विषय फारच जिव्हाळ्याचा. ह्या उजव्यांच्या जगात डावरे बिचारे अगदीच बावरे होऊन जातात. हे सगळ जग उजव्यांसाठीच बनलेल आहे की काय अशी शंका येते बरेच वेळा.

आपली आई ही कधी आपली बाजू समजून घ्यायची नाही. आणि. पूर्वी तर नाहीच नाही. पण त्यामुळे मी अनेक गोष्टी दोन्ही हाताने करू शकते. डाव्या हाताने ही माझं अक्षर छान येत आणि फास्ट ही येत लिहिता. लहानपणी जेवावं तर उजव्या हातानेच लागे , ते हळू हळू जमू लागलं होतं पण कोणाकडे गेलं आणि खायला दिलं काही की चमचा मात्र डाव्या हातात धरला जाई. आई नुसत्या नजरेनेच तो उजव्या हातात धरायला लावायची पण उजव्या हाताने काही ग्रिप येत नसे. मग घास तोंडात न जाता खाली सांडणे, कधी चमचाच हातातून निसटून जाणे ह्या गोष्टी घडत की मग पुन्हा आईचा ओरडा ...एवढं कसं खाता येत नाही म्हणून.

पत्ते खेळताना ही डावरे लोक साफ उलटे धरतात पत्ते. झांजा, टाळ्या वाजवणे, कपडे पिळणे, शिवणकाम करणे ह्या गोष्टी तर उलट्या केल्या जातातच पण ईव्हन लहान मुलाला कडेवर ही उलट्या बाजूला घेतल जात.

बस मध्ये उभ असाल तर पकडायचा रॉड हा उजव्या हाताने पकडता येईल अशीच त्याची रचना आहे . उजव्या हाताने आम्ही धरू शकत नाही, डाव्या हाताने धरला तर आम्ही लाईन मधून बाहेर येतो आणि उतरणाऱ्या लोकांचे धक्के खावे लागतात.

आम्हाला शाळेत इंग्लिशला Left is Right धडा >> +१

डावखुऱ्या लोकांच्या इतक्या समस्या असून देखील ते सर्व क्षेत्रांत सरस आहेत.

मी स्वतः Left-handed नसलो तरी कोणी (वा मुलांनी) डावखरे नसावे ह्याचे बंधन नाही घालणार.

गली क्रिकेट मध्ये जास्त वेळ बॅटिंग मिळावी म्हणून 2-3 वर्षे Left handed खेळलो आहे...आऊट होईपर्यंत नंबर ने बॅटिंग असायची, धावा नाहीत. उजव्या हाताने फलंदाजी करणारे फार काळ टीकायचे नाहीत, ऑफ स्पिन बॉलर्सच्या सापळ्यात लगेच सापडायचे. त्रिफळा किंवा कॅच आऊट. डावखुरा खेळताना बाहेरचा चेंडू पायामागुन थटवता यायचा

लहान मुलाला कडेवर ही उलट्या बाजूला + १

I am the culprit, I do this unknowingly

मी डावरी नाहीये म्हणजे जेवताना, कामं करताना, लिहिताना उजवा हातच पुढे असतो. डाव्याने जमत नाही या गोष्टी पण गोट्या खेळताना डाव्या हाताने खेळायचे, लंगडी घालताना डाव्या पायावर उभी राहून, उजवा पाय दुमडायचे, पाणी भरताना कळशी डाव्या कमरेवर घेते. चालताना डावा पाय पुढे येतो.

म्हणजे तुम्ही डावरेच आहात...

https://www.maayboli.com/node/79860
ह्या विषयावर मी कथा लिहिलेली आहे 'उजवा हात '

मी स्वतः डावखुरा आहे आणी त्याचा मला जाणवलेला तोटा. ( लेखातही आलेला आहे )

कागदावर लिहिणे उजव्या हाताने लिहिणार्‍यांसाठी सोयीचे (optimized) आहे, डावखुर्‍यांना नाही. नॉर्मल लोक जो मजकूर लिहितात त्यावरून हात फिरत नाही, त्यामुळे तो पुसला जात नाही. शिवाय तो झाकलाही जात नाही. आम्ही जसजसे लिहित जातो तसतते त्या लिखाणावरून हात फिरतो. शाई ओली असेल तर जास्तच त्रास. अर्थात उर्दू सारख्या भाषांना उजव्या लोकांना सेम प्रॉब्लेम येइल.

आमची आई होती डावखोरी, पण ती दोन्ही हात वापरू शकायची. शाळेत शिकवताना ती दोन्ही हातांनी फळ्यावर लिहायची. त्याचा फायदा घेऊन आम्ही म्हणायचो की दोन्ही हातांनी आम्हाला मारते

म्हणजे तुम्ही डावरेच आहात... >>> थोडी म्हणता येईल पण जास्त नाही कारण काही परतताना, लाडू वळताना, कणिक भिजवताना, एकंदरीत स्वयंपाक करताना डाव्याने अजिबात जमत नाही, केर काढणे, भांडी घासणेही डाव्याने जमत नाही, सर्व उजव्या हाताने . लिहिणे आणि जेवणही डाव्याने अजिबात जमत नाही. वर उल्लेख केलेल्या काही गोष्टीत डावी बाजू पुढे येते. त्यामुळे काही टक्के असेन, म्हणजे दहा टक्के डावरी असेन.

माझं बाळ डावरा आहे. त्याला day care मध्ये जबरस्तीने उजव्या हाताने खायला लावत असत. मग तेच ग्रिप न येणे, सांडासांड व्हायची. मग मी त्यांना सांगून आले की त्याला डाव्या हाताने खाऊ देत आम्हाला काही प्रोब्लेम नाही. तुम्ही जबरदस्ती करू नका त्याच्यावर. फक्त प्रसाद उजव्या हाताने घ्यायला सांगतो बाकी नो बंधन.

प्रसाद उजव्या हातानेच घ्यायचा यामागे नक्की काय कारण / शास्त्र आहे?

माहित नाही पण तो कुठल्याही मंदिरात गेला आणि प्रसादासाठी हात पुढे केला तर गुरुजी लगेच उजवा हात पुढे कर म्हणतात, आता कोणा कोणाला सांगत बसायचं म्हणून आम्हीच त्याला शिकवलं.

हो, तुम्ही करता ते योग्य आहे. या वादात पडणे निरर्थक आहे.

मला कुतूहल आहे ते या साठी की मला घरून सांगितलेले की उजवा हात जेवायचा आणि डावा हात धुवायचा. तर प्रसादाला तो कसा वापरणार.. जर डावखुरे इथे उलटे सुलटे हात वापरत असतील तर त्या लोजिकने त्यांनी त्यांच्या जेवायच्या डाव्या हातात प्रसाद घ्यायला हवे ना..

आज दिवस अपुला समजा

समस्त डावरे- बावरेहो, खूप शुभेच्छा. उजव्यांच्या जगात let’s celebrate our sinistrality !!

अनिंद्य, मीही तुमच्या बोटीत.
मी केलेले धुण्याचे पिळे, दुसर्‍या कुणी, अधिक घट्ट पिळावे म्हणून ट्राय केले, तर उघडतात!

सुंदर शब्द : सिनिस्ट्रॅलिटी!

मी डावरी आहे, डावर किंवा उजव ह्यात चांगल वाईट काही नाही पण मेजॉरीटी उजवी असल्याने बहुतेक गोष्टी त्यांना डोळ्यासमोर ठेवून केलेल्या असतात ज्या डावऱ्याना कठीण जातात.

मी डावरी असल्याने माझी मुलं किंवा त्यांची मुलं डावरी होण्याची शक्यता अधिक होती, पण देवाची कृपा कोणी ही डावर झालेलं नाहीये...

सुंदर शब्द : सिनिस्ट्रॅलिटी!

थँक्यू ! तुमच्या लक्षात आला, असे भाषेबद्दलचे ममत्व हा दुर्मिळ गुण आहे.