Submitted by Prashant Pore on 3 August, 2020 - 05:43
कोण जाणे? कोण कुठली? काय मागत?
आठवण येईल बहुदा न्याय मागत!
बोळवण केली पिठाचे दूध पाजुन
आर्जवे करतेय जनता साय मागत
शेत विकले; चैन केली, माज केला!
शेवटी दिसला बिचारा हाय "मागत"
बाप असतो बाप; मर्यादाच त्याला!
लेकरू रडणार अंती माय मागत!
जीवनाशी झुंजला घेऊन कुबड्या
तो कधी दिसलाच नाही पाय मागत!
प्रशांत पोरे
Groups audience:
Group content visibility:
Use group defaults
शेअर करा
