Submitted by महेश मोरे स्वच्छंदी on 2 August, 2020 - 22:16
वर सुखाचा चेहरा
- महेश मोरे (स्वच्छंदी)
आत दु:खे वर सुखाचा चेहरा
माय म्हणजे कातळामधला झरा
प्रीत म्हणजे रातराणीची जखम
प्रीत म्हणजे जीवघेणा मोगरा
जन्म झाला शुभ्र चिंधीसारखा
रंग लावा अन् कुणीही वापरा
सावरू मी लागलो आता कुठे
आठवण काढा तिची अन् पोखरा
हे कधी कळलेच नाही ..जिंदगी !
तू खरी की..मी खरा की..तो खरा
Groups audience:
Group content visibility:
Public - accessible to all site users
शेअर करा
